უსაფრთხო ინტერნეტის დღე თსუ-ში

11 თებერვალს, 18.00 საათზე, ივანე ჯავახიშვილის სახელობის თბილისის სახელმწიფო უნივერსიტეტში გაიმართება  ეროვნული სამეცნიერო ბიბლიოთეკის მიერ ორგანიზებული დისკუსია თემებზე: როგორ მოვემზადოთ კიბერ მშობლობისთვის; როგორ შევუწყოთ ხელი ბავშვებს გახდნენ პასუხისმგებლიანი კიბერ მოქალაქეები; ონლაინ მედიის პოზიტიური და ნეგატიური გავლენები ბავშვის განვითარების პროცესში. 

ეროვნული სამეცნიერო ბიბლიოთეკა უერთდება მსოფლიო ინციატივას - „უსაფრთხო ინტერნეტის დღე“. ღონისძიების მიზანია მხარი დაუჭიროს ციფრული ტექნოლოგიის პოზიტიურ და უსაფრთხო გამოყენებას, განსაკუთრებით ბავშვებსა და ახალგაზრდებში ინფორმირებულობის დონის ამაღლების გზით. 

მისამართი: ი. ჭავჭავაძის გამზ.1, თსუ პირველი კორპუსი, 115-ე აუდიტორია.