№28/29 - 01
29.11.2016   
ქ.თბილისი

სსიპ - ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის დოქტორანტების სადისერტაციო თემებისა და  მეცნიერ-ხელმძღვანელების  დამტკიცების შესახებ       

„უმაღლესი განათლების შესახებ“ საქართველოს კანონის 29-ე მუხლის მესამე პუნქტის „ა“, „ე“ და „თ“ ქვეპუნქტების, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 53-ე მუხლის პირველი, მე-2 და მე-3 ნაწილების, 54-ე მუხლის პირველი ნაწილის, 56-ე  მუხლის მე-2 ნაწილის, 57-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული საჯარო სამართლის იურიდიული პირის - ივანე ჯავახიშვილის სახელობის თბილისის სახელმწიფო უნივერსიტეტის წესდების მე-18 მუხლის მე-4 პუნქტის, 21-ე მუხლის მე-5 პუნქტის „ა“, „კ“ ქვეპუნქტისა და მე-6 პუნქტის საფუძველზე
ვბრძანებ:
1.    დამტკიცდეს სსიპ-ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის დოქტორანტების სადისერტაციო თემები და მეცნიერ-ხელმძღვანელები:
ა) დავით  კბილაშვილი  - „კორპორაციული  სოციალური  პასუხისმგებლობის  ინტეგრირება ღვინის  კომპანიების  საერთაშორისო  ბიზნესსტრატეგიებში“, მეცნიერ-ხელმძღვანელი:   პროფესორი თემურ  შენგელია;
ბ) ნინო მაქაცარია  - „გარდამავალი  ენერგოსექტორის ტრანსფორმაციის  აუცილებლობა  და  მართვის  სრულყოფა გლობალიზაციის  პირობებში“, მეცნიერ-ხელმძღვანელი:   პროფესორი თემურ  შენგელია;
გ) თამარ  ხაბელაშვილი  - „საქართველოში  მცირე და საშუალო  ბიზნესის განვითარების თანამედროვე მდგომარეობა და  ევროკავშირთან  ინტეგრაციის პერსპექტივები“, მეცნიერ-ხელმძღვანელი:  პროფესორი თემურ  შენგელია;
დ) დიმიტრი ჯავახაძე - ,,ელეტრონული სერვისების როლი ბიზნესის განვითარებაში“, მეცნიერ-ხელმძღვანელი: ასოცირებული პროფესორი ხათუნა ბერიშვილი;
ე) დავით ბერძენიშვილი - ,,ეთნოკულტურული მახასიათებლების ზეგავლენა გლობალური ბიზნესის განვითარებაზე“ , მეცნიერ-ხელმძღვანელი: პროფესორი თეიმურაზ შენგელია;
ვ) სოფიკო გულედანი  - ,,კულტურული და ფსიქოლოგიური დისტანციის გავლენა ქართული ფირმების ინტერნაციონალიზაციის პროცესზე“, მეცნიერ-ხელმძღვანელი: ასოცირებული პროფესორი დავით სიხარულიძე;
ზ) ბექა იაკობიძე - ,,ინოვაციური პროცესების გავლენა ქართული ფირმების კონკურენტუნარიანობაზე“, მეცნიერ-ხელმძღვანელი: ასოცირებული პროფესორი დავით სიხარულიძე;
თ) ნათია აღლაძე - ,,სოციალური კაპიტალი, როგორც პირდაპირი უცხოური ინვესტიციების დეტერმინანტი“, მეცნიერ-ხელმძღვანელი: ასოცირებული პროფესორი შოთა შაბურიშილი;
ი) გია ბერიძე  - „ფისკალური  პოლიტიკის  გავლენა  ეკონომიკურ  ზრდაზე“, მეცნიერ-ხელმძღვანელი:  ასოცირებული პროფესორი გულნაზ ერქომაიშვილი;
კ) ლევან სილაგაძე  - „პირდაპირი უცხოური ინვესტიციების ტენდენციები პოსტსაბჭოთა ქვეყნებში  (1996-2016)“, მეცნიერ-ხელმძღვანელი:  პროფესორი სიმონ გელაშვილი;
ლ) გიორგი მიქელაძე - „ინვესტიციების ეკონომეტრიკულ-სტატისტიკური მოდელირება (საქართველოს მაგალითზე)“, მეცნიერ-ხელმძღვანელები:  პროფესორი სიმონ გელაშვილი, ასოცირებული პროფესორი  მარინე მუჩიაშვილი;
მ) ნინო ზუბიაშვილი - „შრომითი ემიგრაცია საქართველოდან და მისი სოციალურ-ეკონომიკური შედეგები“, მეცნიერ-ხელმძღვანელი:   პროფესორი ავთანდილ სილაგაძე;
ნ) ხათუნა თაბაგარი - „საქართველო-ირანის ეკონომიკური ურთიერთობები: რეგიონული სანედლეულო ბაზრის განვითარების პერსპექტივები”, მეცნიერ-ხელმძღვანელი:   პროფესორი ავთანდილ სილაგაძე, მოწვეული პროფესორი ალექსანდრე თვალჭრელიძე;
ო) თამარ ლალიაშვილი  - „სტუდენტი-ახალგაზრდობის მიგრაცია საქართველოდან და მისი სოციალურ-ეკონომიკური შედეგები“, მეცნიერ-ხელმძღვანელი:  ასოცირებული  პროფესორი თამაზ ზუბიაშვილი;
პ) გოჩა ლაფაური  - „ინვესტიციები კაპიტალში და კორპორატიული ბიზნესის განვითარების პრობლემები საქართველოში (ოპიკის მოღვაწეობის მაგალითზე 1997-2016 წლები)“ , მეცნიერ-ხელმძღვანელი:  პროფესორი ავთანდილ სილაგაძე;
ჟ) სალომე სილაგაძე  - „ინტელექტუალური მიგრაციის თანამედროვე ტენდენციები“, მეცნიერ-ხელმძღვანელი:  ასოცირებული  პროფესორი თამაზ ზუბიაშვილი;
რ) ნათია სურმანიძე  - „ინსტიტუციური რეფორმები საქართველოს გარდამავალ ეკონომიკაში“, მეცნიერ-ხელმძღვანელი:  ასოცირებული  პროფესორი ჯემალ ხარიტონაშვილი;
ს) ქეთი ცხადაძე - „საერთაშორისო  სავალუტო  ბაზრის  ზეგავლენა საქართველოს ეკონომიკაზე“, მეცნიერ-ხელმძღვანელი:  ასოცირებული  პროფესორი ლელა ბახტაძე;
ტ) გრიგოლ ჭაავა - „უმაღლეს სასწავლებლებში აკადემიური პერსონალის შერჩევის და ფორმირების პროცესების სრულყოფა ინფორმაციული  ტექნოლოგიების გამოყენებით (თსუ-ს მაგალითზე)“, მეცნიერ-ხელმძღვანელი: პროფესორი დემურ სიჭინავა, ემერიტუსი პროფესორი მურთაზ მაღრაძე;
უ) ვახტანგ ჩქარეული - „ეკონომიკური თავისუფლების“ გავლენა მაკროეკონომიკურ  მაჩვენებლებზე“, მეცნიერ-ხელმძღვანელი:  ასოცირებული  პროფესორი ნაზირა კაკულია;
ფ) ცოტნე ჟღენტი  - ,,ფორმალური და არაფორმალური ინსტიტუტების ტრანსფორმაცია და მათი გავლენა ეკონომიკურ ზრდაზე“, მეცნიერ-ხელმძღვანელი:  ასოცირებული  პროფესორი ნაზირა კაკულია;
ქ) მირზა გელაშვილი-,,ფისკალური  პოლიტიკის  ეფექტიანობის  ეკონომეტრიკული  ანალიზი“, მეცნიერ-ხელმძღვანელი:  პროფესორი  იური ანანიაშვილი;
ღ) თამარ თარაშვილი - ,,მონეტარული  პოლიტიკის  ეფექტიანობის  ეკონომეტრიკული  ანალიზი“,  მეცნიერ-ხელმძღვანელი:  პროფესორი  იური ანანიაშვილი;
ყ) შორენა ტიელიძე - „ადამიანური რესურსების სტრატეგიული მართვის სრულყოფა-ბიზნეს-კომპანიების ეფექტიანობის ფაქტორი“, მეცნიერ-ხელმძღვანელი:  ასოცირებული  პროფესორი ეკა ჩოხელი;
შ) თორნიკე ხოშტარია - „ბიზნესის  სტრატეგიის  გავლენა   საწარმოების  საქმიანობის შედეგებზე საქართველოში“, მეცნიერ-ხელმძღვანელი: ასოცირებული პროფესორი შოთა შაბურიშვილი.
2.    წინამდებარე ბრძანების ფაკულტეტის ოფიციალურ ვებგვერდზე და ყველასთვის ხელმისაწვდომ ადგილზე  განთავსება დაევალოს ფაკულტეტის საზოგადოებასთან ურთიერთობის სამსახურს.
3.    ბრძანება ძალაშია გამოქვეყნებისთანავე.

ფაკულტეტის  დეკანი,     პროფესორი   თეიმურაზ ბერიძე         

« უკან დაბრუნება