2015-11-02
სტატიების მიღება სამეცნიერო ელექტრონული ჟურნალისათვის „ამერიკისმცოდნეობა ქართული პერსპექტივიდან"
ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის ამერიკისმცოდნეობის სტუდენტთა სამეცნიერო წრე აცხადებს სტატიების მიღებას სამეცნიერო ელექტრონული ჟურნალისათვის „ამერიკისმცოდნეობა ქართული პერსპექტივიდან / Georgian Outlook of American Studies”
სტატიები უნდა შეესაბამებოდეს ჩრდილოეთ და სამხრეთ ამერიკის ცხოვრების ყველა სფეროს და არა მხოლოდ ისტორიას, პოლიტიკას, ლიტერატურას, კულტურას, ფილოსოფიას.
სტატიების გამოგზავნა შეუძლია თბილისის სახელმწიფო უნივერსიტეტის ნებისმიერი ფაკულტეტის ბაკალავრიატის, მაგისტრატურისა და დოქტორანტურის აქტიურ და სტატუსშეჩერებულ სტუდენტებს.
სტატიის ავტორმა უნდა გამოაგზავნოს:
სრული სამეცნიერო სტატია ქართულ ენაზე. სტატიას თან უნდა ერთვოდეს სქოლიოები ჩიკაგოს ციტირების ფორმატში. სტატიის მოცულობა სქოლიოების ჩათვლით მინიმუმ 2000, ხოლო მაქსიმუმ 3000 სიტყვა;
სტატიის რეზიუმე ინგლისურ ენაზე. რეზიუმეს მოცულობა მინიმუმ 700, ხოლო მაქსიმუმ 800 სიტყვა;
სტატიის თავფურცელი, სადაც ქართულ და ინგლისურ ენაზე მითითებული უნდა იყოს: სტატიის სრული სათაური, ასევე სტატიის ავტორის სახელი, გვარი, უნივერსიტეტი, ფაკულტეტი, სპეციალობა, სწავლების საფეხური, საკონტაქტო ინფორმაცია; სამეცნიერო ხელმძღვანელის სამეცნიერო სტატუსი და საკონტაქტო ინფორმაცია;
2015-2016 სასწავლო წლის შემოდგომის სემესტრის მონაცემებით გაცემული ცნობა სტუდენტის სტატუსის შესახებ;
სამეცნიერო ხელმძღვანელის რეკომენდაცია სტატიაზე;
სტატიის გაფორმების სავალდებულო წესები:
ქართული ტექსტისათვის ფონტი AcadNusx, ზომა 12, სტრიქონებს შორის დაშორება 1,5;
ინგლისური ტექსტისათვის ფონტი Sylfaen, ზომა 12, სტრიქონებს შორის დაშორება 1,5;
სავალდებულოა, რომ მასალების გამოგზავნისას ელექტრონული ფოსტის სათაურის ველში (Subject Line) ავტორმა მიუთითოს: სტატია - გვარი.
ყველა მასალა ავტორმა უნდა გამოაგზავნოს ელექტრონულ მისამართზე: americanstudiesscience@gmail.com
მასალების გამოგზავნის ბოლო ვადაა 2015 წლის 16 ნოემბერის 18:00 საათი.
გამოგზავნილ მასალებს არჩევს სარედაქციო კოლეგია. არასრული, დაგვიანებული ან არათემატური მასალები არ განიხილება. სარედაქციო კოლეგიის გადაწყვეტილება საბოლოოა და არ ექვემდებარება შეცვლას.
დამატებითი ინფორმაციისათვის დაუკავშირდით თსუ ამერიკისმცოდნეობის სტუდენტთა სამეცნიერო წრის თავმჯდომარეს მარიამ ხატიაშვილს ელექტრონულ მისამართზე americanstudiesscience@gmail.com ან ეწვიეთ თსუ ამერიკისმცოდნეობის სტუდენტთა სამეცნიერო წრის ვებგვერდს.
« იხ. ყველა სიახლე