საქართველოს სტატისტიკური ასოციაციის სემინარი -2

სემინარებზე დასწრება შეუძლია მათემატიკის მიმართულების ყველა იმ სტუდენტს, ვისაც აქვს სურვილი გაეცნოს და შეისწავლოს ალბათურ-სტატისტიკური მეთოდების გამოყენება პრაქტიკაში.
სემინარებში აქტიური მონაწილეობა იქნება ერთ-ერთი ხელშემწყობი წინაპირობა ალბათობისა და სტატისტიკის მიმართულებით დანიშნული სახელობითი სტიპენდიის მისაღებად.
სემინარებზე განხილული იქნება შემდეგი საკითხები:

•    სტატისტიკის ადგილი და როლი მონაცემთა მეცნიერებაში;
•    როგორ დავგეგმოთ გამოკვლევა და შევაგროვოთ მონაცემები;
•   მონაცემთა ბაზების შექმნა;
•    სტატისტიკის გამოყენების კონკრეტული მაგალითები პრაქტიკაში წამოჭრილი ამოცანების გადაწყვეტაში ;
•   მონაცემთა ბაზების სტატისტიკური დამუშავება სხვადასხვა კომპიუტერული პროგრამების გამოყენებით (Excel, SPSS, R);
•    მათემატიკური ხედვა ბიზნესში და მისი უპირატესობა;
•   სხვადასხვა სახალისო ამოცანები.

სემინარები ჩატარდება თსუ მე-11 კორპუსის # 407 კომპიუტერულ კლასში.
მსემენელებს საშუალება ექნებათ ინდივიდუალურად დაამუშაონ რეალური გამოკვლევის მონაცემთა ბაზები კომპიუტერის გამოყენებით.
სემინარი იმუშავებს კვირაში 1 დღე, 2 აკადემიური საათის ხანგრძლივობით.
სემინარში მონაწილეობის მსურველებმა მიმართეთ ბ-ნ ომარ ფურთუხიას # 304 ოთახში.
თემა: მზღვეველის პროფესია.
ლექტორი: გურამ მირზაშვილი - სადაზღვევო კომპანია „ალდაგი“.
მოკლე ანოტაცია.  განხილული იქნება: ა)  რაში მდგომარეობს მზღვეველის „მეთოდი“, რომელსაც ის იყენებს თავის საქმიანობაში; ბ)  რას წარმოადგენს მზღვეველის პროფესია; გ) რა არის ის ტიპიური ამოცანები, რომელთა ამოხსნაც მზღვეველს  უხდება სისტემატურად და რა ცოდნა და უნარ-ჩვევებია საჭირო ამ ამოცანების გადასაჭრელად.