ხარისხის უზრუნველყოფის სამსახურის უფროსის არჩევნები

სოციალურ და პოლიტიკურ მეცნიერებათა ფაკულტეტის საბჭოს  2019 წლის 19 სექტემბრის სხდომის დადგენილება:

1. დაინიშნოს სოციალურ და პოლიტიკურ მეცნიერებათა ფაკულტეტის ხარისხის უზრუნველყოფის სამსახურის უფროსის არჩევნები 2019 წლის 30 სექტემბერს.
2. არჩევნების ჩატარების ადგილი  - თსუ VI კორპუსის დარბაზი (#303).
3. ფაკულტეტის საბჭოს სხდომის დაწყების დრო - 17.00 სთ.
4. კენჭისყრის პერიოდი - 17.15 - 18.30სთ.
5. არჩევნების ჩატარების ფორმა - ფარული კენჭისყრა. გამარჯვებულად ჩაითვლება კანდიდატი, რომელიც საბჭოს სხდომის კვორუმის შემთხვევაში დააგროვებს დამსწრეთა  ხმების უმრავლესობას.
6. ფაკულტეტის ხარისხის უზრუნველყოფის სამსახურის უფროსის არჩევნებში კანდიდატად რეგისტრაცია შეუძლია ფაკულტეტის სრულ და/ან ასოცირებულ პროფესორს.
7. კანდიდატს მოეთხოვება შემდეგი საბუთების წარმოდგენა:

• განცხადება ფაკულტეტის დეკანის სახელზე, კონკურსში მონაწილეობის შესახებ;
• ცნობა დაკავებული აკადემიური თანამდებობის შესახებ;
• Curriculum Vitae;
• ფაკულტეტის ხარისხის უზრუნველყოფის სამსახურის განვითარების კონცეფცია;
• პირადობის მოწმობის ასლი.

8. კანდიდატთა საბუთები მიიღება 23 სექტემბრიდან - 26 სექტემბრის ჩათვლით  ფაკულტეტის კანცელარიაში  (თსუ VI კორპუსი, ოთახი#203ა), 10.00-17.00 სთ.