საქართველოს თავდაცვის სამინისტროს „არმიჰოლში“ უწყებათშორისი სამეთაურო-საშტაბო სწავლების - „ინფო 2018“ დასრულებისადმი მიძღვნილი ცერემონიალი გაიმართა.
სწავლებაში საინფორმაციო გარემოს შექმნისთვის ივანე ჯავახიშვილის სახელობის თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის ჟურნალისტიკისა და მასობრივი კომუნიკაციის სტუდენტებიც იყვნენ ჩართულნი.
მონაწილეებს, სწავლების დასრულება საქართველოს შეიარაღებული ძალების გენერალური შტაბის უფროსის მოადგილემ, ბრიგადის გენერალმა ზაზა ჩხაიძემ მიულოცა და სერტიფიკატები გადასცა.
