ლარვა გეიმ სტუდიო

გაცნობებთ, რომ დაგეგმილია საქართველოში საერთაშორისო კომპანიის "ლარვა გეიმ სტუდიოს" წარმომადგენლების ვიზიტი. ვიზიტის მთავარი მიზანია შსს კომპიუტერული თამაშის პროექტის მონაწილეებთან შეხვედრა და ცოდნისა და გამოცდილების გაზიარება.

ვიზიტის ფარგლებში დაგეგმილია კომპანიის წარმომადგენლების, დირექტორის - ხორხე მორალესის და ფინანსური დირექტორის - იამინ რუისის შეხვედრა უნივერსიტეტების სტუდენტებთან და მათთვის საერთაშორისო კლასის თამაშების შექმნის გამოცდილების გაზიარება.

ამ მიზნით ა.წ. 17 მაისს 16:00 საათზე ხორხე მორალესი და იამინ რუისი ჩაატარებენ პრეზენტაციას თბილისის სახელმწიფო უნივერსიტეტის სტუდენტებისათვის თემაზე - "პირველი ქართული კომპიუტერული თამაში და საერთაშორისო თანამშრომლობა". პრეზენტაციას დაესწრებიან შსს კომპიუტერული თამაშის პროექტის მენეჯერი - კარლო მათითაიშვილი და მთავარი პროგრამისტი ირაკლი ქოქრაშვილი.

პრეზენტაციის მსვლელობისას განხილული იქნება თემები:


შსს კომპიუტერული თამაშის პროექტი,
ლარვა გეიმ სტუდიო და მისი თანამშრომლობა
ლარვა გეიმ სტუდიოს პროექტი - Lucha Libre - Heroes Del Ring
სამომავლო პერსპექტივები - ანუ როგორ მოვხვდეთ ააა კლასის გეიმ დეველოპმენტ პროექტში

პრეზენტაცია ჩატარდება ინგლისურ ენაზე
პრეზენტაციის ხანგრძლივობა - 60 წუთი. აქედან 30 წუთი დაეთმობა პრეზენტაციას, ხოლო 30 წუთი კითხვებზე პასუხს და დისკუსიას

სამიზნე აუდიტორია: კომპიუტერული მეცნიერებების, ეკონომიკის და ბიზნესის ფაკულტეტების სტუდენტები და პროფესორ მასწავლებლები, ასევე ყველა ის პირი, ვინც კომპიუტერული თამაშების ინდუსტრიითაა დაინტერესებული.

პრეზენტაციის ჩატარების ადგილი: თსუ მე-10 კორპუსში (მაღლივი კორპუსი), მეორე სართული, აუდიტორია #206, მის: უნივერსიტეტის ქ. 2