სამეცნიერო კონფერენცია - "კლინიკური ნეირომიოლოგიის თანამედროვე პარადიგმები"

8 ივნისს, 09:30 საათზე ივანე ჯავახიშვილის სახელობის თბილისის სახელმწიფო უნივერსიტეტის 100 წლის იუბილესადმი მიძღვნილი სამეცნიერო კონფერენცია - "კლინიკური ნეირომიოლოგიის თანამედროვე პარადიგმები" გაიმართება.

კონფერენცია ეძღვნება ნერვკუნთოვან დაავადებებს.  საერთაშორისო კონფერენციაში მონაწილეობენ მეცნიერები ოქსფორდის უნივერსიტეტიდან (დიდი ბრიტანეთიდან), ჰანოვერიდან (გერმანია) და მოსკოვის პირველი სამედიცინო უნივერსიტეტიდან (რუსეთი), ნევროლოგები საქართველოდან. განიხილება საკითხები კუნთთა პროგრესული დისტროფიების კლინიკა (ჰისტოპათოლოგია, ელექტროფიზიოლოგია), გვერდითი ამიოტროფული სკლეროზის კლინიკა და ელექტროფიზიოლოგია, პოლინეიროპათიების დიაგნოსტიკა და მკურნალობა. 

მისამართი:ი.ჭავჭავაძის გამზ.1, თსუ I კორპუსი.