ანდრია ბენაშვილი - 150

21 ნოემბერს, 12.00 საათზე, ივანე ჯავახიშვილის სახელობის თბილისის სახელმწიფო უნივერსიტეტში გამოჩენილი ქართველი მეცნიერის, თბილისის სახელმწიფო უნივერსიტეტის ერთ-ერთი დამფუძნებლის, საქართველოს მეცნიერებათა დამსახურებული მოღვაწის, პროფესორ ანდრია ბენაშვილის დაბადების 150 წლისთავისადმი მიძღვნილი საიუბილეო სხდომა გაიმართება. ღონისძიებას თსუ რექტორი გიორგი შარვაშიძე, პროფესორები, სტუდენტები, მოწვეული სტუმრები დაესწრებიან.

თსუ მუზეუმში გაიხსნება ანდრია ბენაშვილისადმი მიძღვნილი გამოფენა, რომელზეც წარმოდგენილი იქნება უნივერსიტეტის ერთ-ერთი დამფუძნებლის საარქივო დოკუმენტები, ნაშრომები, გეოდეზიური ხელსაწყოები, პირადი წერილები.

მისამართი: ი.ჭავჭავაძის გამზ.1, თსუ პირველი კორპუსი, 115-ე აუდიტორია.