"საქართველოს ინტერაქტიული გეოლოგიური რუკა მასშტაბი 1:200000" პრეზენტაცია

5 დეკემბერს, 15:00 საათზე ივანე ჯავახიშვილის სახელობის თბილისის სახელმწიფო უნივერსიტეტში შოთა რუსთაველის საქართველოს ეროვნული სამეცნიერო ფონდის მიერ დაფინანსებული პროექტის - "საქართველოს ინტერაქტიული გეოლოგიური რუკა მასშტაბი 1:200000"  შემაჯამებელი პრეზენტაცია გაიმართება.  დამსწრე საზოგადოებას პროექტის ფარგლებში მიღებულ შედეგებს მომხსენებლები: ნინო სადრაძე, შოთა ადამია, ვიქტორ ალანია, გელა ტალახაძე წარუდგენენ. 

ღონისძიების ორგანიზატორები არიან: თბილისის სახელმწიფო უნივერსიტეტი, შოთა რუსთაველის საქართველოს ეროვნული სამეცნიერო ფონდი და თსუ მიხეილ ნოდიას გეოფიზიკის ინსტიტუტი.

მისამართი : ი. ჭავჭავაძის გამზ. 1, თსუ პირველი კორპუსი, 115-ე აუდიტორია.