განათლების საერთაშორისო ცენტრის ღია კარის დღე

15 მაისს, 11.00 საათზე საგამოფენო ცენტრ ექსპო-ჯორჯიას მე-3 პავილიონში განათლების საერთაშორისო ცენტრის ღია კარის დღე გაიხსნება. სტუდენტები მიიღებენ დეტალურ ინფორმაციას განათლების საერთაშორისო ცენტრის პროგრამებში ჩართვის შესახებ. სტუდენტებს შესაძლებლობა ექნებათ კონსულტაციები გაიარონ ცენტრის ტუტორებთან.

ღია კარის დღე გაგრძელდება 11:00-დან 15:00 საათამდე.

დამატებითი ინფორმაცია ცენტრის შესახებ შეგიძლიათ იხილოთ ვებგვერდზე www.iec.gov.ge და ცენტრის ფეისბუქგვერდზე  www.facebook.com/iec.gov.ge

განათლების საერთაშორისო ცენტრი პრემიერ-მინისტრის ინოვაციური პროექტების ფარგლებში დაარსდა. ცენტრის მიზანია საერთაშორისო სტანდარტების კვალიფიკაციის მქონე პროფესიონალების მომზადება.

განათლების საერთაშორისო ცენტრი ახორციელებს 3 პროგრამას:
• სამაგისტრო და სადოქტორო პროგრამების დაფინანსება
• საზღვარგარეთ მოღვაწე მეცნიერების და პრაქტიკოსების საქართველოში მოწვევა
• საჯარო მოხელეთა კვალიფიკაციის ამაღლებისა და პროფესიული გადამზადების პროგრამა
სადოქტორო და სამაგისტრო პროგრამებზე დაფინანსების მსურველთათვის რეგისტრაციის ვადებია 7მაისი-7 ივნისი

მისამართი: წერეთლის N118,  საგამოფენო ცენტრი  ექსპო-ჯორჯია, მე-3 პავილიონი