თსუ ონლაინ მაღაზიის პრეზენტაცია

23 იანვარს, 19.00 საათზე ივანე ჯავახიშვილის სახელობის თბილისის სახელმწიფო უნივერსიტეტში ონლაინ მაღაზიის (www.tsustore.ge) პრეზენტაცია გაიმართება. პროექტი თსუ-სა და თიბისი ბანკის თანამშრომლობის ფარგლებში ხორციელდება.

ონლაინ მაღაზიაში წარმოდგენილი იქნება სამოსი და აქსესუარები თსუ ბრენდირებით. ბრენდმაღაზიით სარგებლობა შეუძლია ყველას, როგორც სტუდენტებს და პროფესორ-მასწავლებლებს, კურსდამთავრებულებს, ასევე ნებისმიერ დაინტერესებულ პირს. www.tsustore.ge - ზე წარმოდგენილი კოლექციები მუდმივად განახლდება და საზოგადოებას მრავალფეროვან არჩევანს შესთავაზებს მათი ინტერესების გათვალისწინებით. თსუ სტუდენტები და თანამშრომლები ისარგებლებენ უფასოდ მიტანის მომსახურებით.

მისამართი: ი.ჭავჭავაძის გამზ.1, თსუ I კორპუსის მთავარი ფოიე