„დასაწყისიდან“ - შაი გინოთის ფოტოგამოფენა

9 დეკემბერს, 13:00 საათზე ივანე ჯავახიშვილის სახელობის თბილისის სახელმწიფო უნივერსიტეტში ებრაელი მხატვრის შაი გინოთის ფოტოგამოფენა „დასაწყისიდან“ გაიმართება.

ექსპოზიციაში წარმოდგენილი ფოტოების უმრავლესობა ფოტოგრაფირების საინტერესო ხერხით - ორმაგი ექსპოზიციითაა შესრულებული. 

შაი გინოთი 1958 წელს იერუსალიმში დაიბადა. პროფესიით ბიოლოგმა ფოტოგრაფად მუშაობა 1984 წელს დაიწყო. მისი ნამუშევრები არაერთ გაზეთსა თუ წიგნშია დაბეჭდილი, მათ შორის, 1992 წელს გამოცემულ ბესთსელერში "ბუნების გამოძახილი", რომელმაც იერუსალიმის წიგნის გამოფენაზე მომდევნო წელს ოქროს ჯილდო მიიღო.
 
შაი გინოთი ისრაელის მასშტაბით ყოველწლიურად უამრავ ვორქშოფს ატარებს. მისი სურათები სამშობლოსა და მსოფლიოს სხვადასხვა კუთხეში გამოფენილა, მათ შორის, ლონდონის "ბარბიკანის ცენტრსა" და ტოკიოს "ოლიმპუსის გალერეაში".

მისამართი: ი. ჭავჭავაძის გამზ. 1, თსუ პირველი კორპუსი, მესამე სართული, მუზეუმის საგამოფენო დარბაზი