თსუ გადამზადებულ პრობაციონერებს სერტიფიკატებს გადასცემს

18 ოქტომბერს, 11.00 საათზე ივანე ჯავახიშვილის სახელობის თბილისის სახელმწიფო უნივერსიტეტის აკადემიური განვითარებისა და უწყვეტი განათლების ცენტრი 30-მდე გადამზადებულ პრობაციონერს სერთიფიკატებს გადასცემს.

ღონისძიებას იუსტიციის სამინისტროს პრობაციონერთა გადამზადების ცენტრის დირექტორი დავით მაისურაძე, თსუ-სა და იუსტიციის სამინისტროს წარმომადგენლები დაესწრებიან.

თსუ აკადემიური განვითარებისა და უწყვეტი განათლების ცენტრმა პრობაციონერები სამ პროგრამაში (კომპიუტერული უნარ-ჩვევები, ორის ბუღალტერია, მცირე ბიზნესის მწარმოებელი) გადაამზადა.

მისამართი: ი. ჭავჭავაძის გამზ. 1, თსუ პირველი კორპუსი, ბიბლიოთეკა, მარო მაყაშვილის სახელობის სამკითხველო დარბაზი