საერთაშორისო სამართლის უქმეები თსუ-ში

2019 წლის 26-27 იანვარს, თსუ საერთაშორისო სამართლის ინსტიტუტი საერთაშორისო სამართლის უქმეებს მასპინძლობს. ღონისძიების ფარგლებში 26 იანვარს ინსტიტუტის 2017-2018 სასწავლო წლის საქმიანობის ანგარიშის წარდგენა, საერთაშორისო სამართლის ჟურნალის ახალი ნომრის პრეზენტაცია, საერთაშორისო სისხლის სამართლისა და სისხლის სამართლის სფეროში საერთაშორისო თანამშრომლობის სასწავლო და კვლევითი ცენტრის ვებ-გვერდის წარდგენა და თსუ-ს იმიტირებული პროცესების მონაწილეთა ასოციაციის დაფუძნება მოხდება. ღონისძიების მეორე დღე, 27 იანვარი დაეთმობა ჰოლოკოსტის მსხვერპლთა ხსოვნის საერთაშორისო დღისადმი მიძღვნილ რიგით მეორე სამეცნიერო კონფერენციას.

ღონისძიების გამართვის დრო და ადგილი:
26 იანვარი - 10:00 – 15:00 თსუ, I კორპუსი, 107-ე აუდიტორია.
27 იანვარი - 12:00 – 17:00 თსუ, I კორპუსი, 107-ე აუდიტორია.