შეხვედრაზე ამერიკელ სამხედრო ფოტოგრაფ სტეისი პირსალთან

10 მარტს, 16.00 საათზე ივანე ჯავახიშვილის სახელობის თბილისის სახელმწიფო უნივერსიტეტში ცნობილ ამერიკელ სამხედრო ფოტოგრაფთან სტეისი პირსალითან შეხვედრა გაიმართება.

სტეისი პირსალმა კარიერა, როგორც საჰაერო ძალების ფოტოგრაფმა, 17 წლის ასაკში დაიწყო. 21-დან 27 წლამდე მან  500,000 - ზე მეტი ფოტო გადაიღო და 41 ქვეყანაში იმოგზაურა. სტეისი პირსალი ერთადერთი ფოტოგრაფი ქალია რომელიც ორჯერ გახდა წლის საუკეთესო სამხედრო ფოტოკორესპონდენტი.
სამხედრო სამსახურიდან გადამდგარი ფოტოგრაფი კვლავ აგრძელებს მოღვაწეობას ფრილანს ფოტოგრაფად, არის ავტორი, პედაგოგი, სამხედრო კონსულტანტი, საჯარო მომხსენებელი და პროექტ "ვეტერანთა პორტრეტის” დამფუძნებელი.

სტეისი პირსალი საქართველოში აშშ-ის საელჩოს მოწვევით იმყოფება.

 
მისამართი: ი.ჭავჭავაძის №3, თსუ II კორპუსი, ოთახი №165