თანამშრომლობის მემორანდუმი თსუ-სა და იუსტიციის უმაღლეს სკოლას შორის

6 ნოემბერს, 11.30 საათზე ივანე ჯავახიშვილის სახელობის თბილისის სახელმწიფო უნივერსიტეტსა და იუსტიციის უმაღლეს სკოლას შორის შორის თანამშრომლობის მემორანდუმი გაფორმდება. მემორანდუმს თსუ რექტორის მოადგილე, აკადემიკოსი ლევან ალექსიძე და იუსტიციის სკოლის დირექტორი ლაშა მაღრაძე მოაწერენ ხელს.

ხელშეკრულების თანახმად, იუსტიციის უმაღლესი სკოლა თსუ-ს სთავაზობს საჯარო ლექციების ორგანიზებას სამართლის სფეროების მიხედვით აქტუალურ თემებზე; მხარეები  იზრუნებენ ერთობლივი სასწავლო ღონისძიებების განხორციელებაზე წინასწარ შეთანხმებულ საკითხებზე, რაც ხელს შეუწყობს სტუდენტთა პროფესიულ განვითარებას.

მისამართი: დიღომი, იუსტიციის უმაღლესი სკოლა