ლაშა თაბუკაშვილის რომანის „ერთიც გაგვიცინე, გუინპლენ!“ პრეზენტაცია

9 დეკემბერს, 18.00 საათზე ივანე ჯავახიშვილის სახელობის თბილისის სახელმწიფო უნივერსიტეტში ლაშა თაბუკაშვილის პირველი რომანის „ერთიც გაგვიცინე, გუინპლენ!“ პრეზენტაცია გაიმართება.

წიგნში მოთხრობილია იშხნელთა გვარის ორი წარმომადგენლის ისტორია. ერთი ამერიკაში მცხოვრები ქართველი ემიგრანტების შვილია, რომელიც რთული ცხოვრების შემდეგ წარმატებული ბიზნესმენი ხდება. მეორეა საქართველოში მცხოვრები, გამომცემელი ბექა იშხნელი. იგი ამერიკელი ქართველის შორეული ნათესავია. ისინი ნაწარმოების დასაწყისშივე ხვდებიან ერთმანეთს...

„ერთიც გაგვიცინე გუინპლენ!“ გამომცემლობა „ინტელექტმა“ გამოსცა.

მისამართი: ი. ჭავჭავაძის გამზ. 1, თსუ პირველი კორპუსი, ბიბლიოთეკა, მარო მაყაშვილის სახელობის სამკითხველო დარბაზი