თანამშრომლობის მემორანდუმი თსუ-სა და სვუპსკის პომერანულ უნივერსიტეტს შორის

2 მაისს, 12.00 საათზე, ივანე ჯავახიშვილის სახელობის თბილისის სახელმწიფო უნივერსიტეტსა და სვუპსკის პომერანულ უნივერსიტეტს (პოლონეთი) შორის თანამშრომლობის მემორანდუმი გაფორმდება. მემორანდუმს ხელს თსუ რექტორი გიორგი შარვაშიძე და სვუპსკის პომერანული უნივერსიტეტის რექტორი ზბიგნევ ოსადოვსკი მოაწერენ. 

მემორანდუმი ითვალისწინებს თანამშრომლობას სასწავლო  და კვლევით სფეროებში. მათ შორის: აკადემიური პერსონალისა და სტუდენტების ურთიერთგაცვლას, სასწავლო ვიზიტებს, ერთობლივი კვლევების ხელშეწყობას, რეგულარული სამეცნიერო ღონისძიებების, კონფერენციებისა და სემინარების მოწყობას, დოქტორანტურის საფეხურის სტუდენტებისა და აკადემიური პერსონალისთვის კვლევით ვიზიტებს.

მისამართი: ი. ჭავჭავაძის გამზ. 1, თსუ I კორპუსი, რექტორატი