2012-07-07
”გთხოვთ მხოლოდ ერთი წიგნის შეძენით პოეტის გული გადაარჩინოთ”
7 ივლისს 20.00 საათზე, თბილისში იოსებ გრიშაშვილის ბიბლიოთეკა–მუზეუმში, ანჩისხატის ეკლესიის მგალობელთა გუნდის ფონზე პოეტ სევარიონ ნადირაძის საღამო გაიმართება.5 ივლისს „ქუთაისის ილია ჭავჭავაძის სამეცნიერო ბიბლიოთეკაში“ „თსუ ეროვნული სამეცნიერო ბიბლიოთეკის“ ინიციატივით გაიმართა აქცია ”გთხოვთ მხოლოდ ერთი წიგნის შეძენით პოეტის გული გადაარჩინოთ” - საქველმოქმედო საღამო პოეტ სევარიონ ნადირაძის დასახმარებლად.
სევარიონ ნადირაძეს ექიმებმა დაუსვეს დიაგნოზი: კორონარული არტერიების დაავადება და სჭირდება გადაუდებელი ოპერაცია, სამწუხაროდ, თანხების მოძიება ძალიან გართულდა. საქველმოქმედო საღამო-აქციის ჩატარების ამ ინიციატივით ჩვენ ვფიქრობთ, თავი მოვუყაროთ გარკვეულ ფულად სახსრებს, რომ შევძლოთ სოსო ნადირაძის დახმარება.საქველმოქმედო საღამოზე გაიყიდება სევარიონ (სოსო) ნადირაძის ახალი მინი-რომანი "ფქვილდსაფქვილ სიარული".
მისამართი: თბილისი, ალგეთის შესახვევი №1.
ასასვლელი აბანოთუბნიდან
საკონტაქტო პირი: თსუ ეროვნული სამეცნიერო ბიბლიოთეკის
საზოგადოებასთან ურთიერთობის მენეჯერი
მზევინარ ხუციშვილი
საკონტაქტო ინფორმაცია: ტელ: 593 14 37 28
ელ. ფოსტა: mxucishvili@mail.ru
« იხ. ყველა ანონსი