2018-06-12
თანამშრომლობის მემორანდუმი თსუ-სა და კლინიკა „პინეოს“ შორის
12 ივნისს, 10.00 საათზე, ივანე ჯავახიშვილის სახელობის თბილისის სახელმწიფო უნივერსიტეტსა და „პინეო სამედიცინო ეკოსისტემას“ შორის თანამშრომლობის მემორანდუმი გაფორმდება. მემორანდუმს ხელს თსუ რექტორი გიორგი შარვაშიძე და კლინიკა „პინეო სამედიცინო ეკოსისტემის“ გენერალური დირექტორი იაგორ კალანდაძე მოაწერენ.
ხელშეკრულების საფუძველზე კლინიკა უზრუნველყოფს თსუ მედიცინის ფაკულტეტის სტუდენტების და რეზიდენტების მიერ სასწავლ-პრაქტიკული კურსების გავლას. აღნიშნული კურსის გავლისას კლინიკა უზრუნველყოფს მის მმართველობაში არსებული სამედიცინო აღჭურვილობის, ადამიანური და სხვა აუცილებელი რესურსების მონაწილეობას.
მისამართი:ი.ჭავჭავაძის გამზ.1, თსუ პირველი კორპუსი, რექტორატი.
« იხ. ყველა ანონსი