ინგლისურ-ქართულ ლექსიკოგრაფიაში გამოცხადებულ კონკურსში გამარჯვებულ სტუდენტთა დაჯილდოება

24 აპრილს, 15.00 საათზე ივანე ჯავახიშვილის სახელობის თბილისის სახელმწიფო უნივერსიტეტში ინგლისურ-ქართულ ლექსიკოგრაფიაში გამოცხადებულ კონკურსში გამარჯვებულ სტუდენტთა დაჯილდოების ცერემონია გაიმართება.

კონკურსი თსუ ლექსიკოგრაფიულმა ცენტრმა და ჰუმანიტარულ მეცნიერებათა ფაკულტეტის ინგლისური ფილოლოგიის მიმართულებამ გამოაცხადეს.

კონკურსის მონაწილე სტუდენტებს დიდი ინგლისურ-ქართული ლექსიკონის რედაქტორებმა ჩაუტარეს ტრეინინგები პრაქტიკულ ლექსიკოგრაფიაში. საკონკურსო დავალება მოიცავდა 5 სიტყვა-სტატიის შედგენას დიდი ინგლისურ-ქართული ონლაინ-ლექსიკონისათვის.

გამარჯვებული სტუდენტები საკონკურსო კომისიამ გამოავლინა.

მისამართი: ი.ჭავჭავაძის № 1, თსუ I კორპუსი, აუდიტორია № 212