თსუ-სა და საქართველოს დამოუკიდებელი რესპუბლიკის 100 წლის იუბილესადმი მიძღვნილი ლექციათა ციკლი

ივანე ჯავახიშვილის სახელობის თბილისის სახელმწიფო უნივერსიტეტში გრძელდება უნივერსიტეტის და საქართველოს დამოუკიდებელი რესპუბლიკის 100 წლის იუბილესადმი მიძღვნილი ლექციათა ციკლი. 30 აპრილს, 15.00 საათზე თსუ პროფესორი თინათინ მარგალიტაძე წაიკითხავს საჯარო ლექციას „ენა და კულტურის ეკოლოგია“, პროფესორი ვახტანგ ლიჩელი კი წაიკითხავს ლექციას „არქეოლოგია თბილისის სახელმწიფო უნივერსიტეტში.“   

ლექციათა ციკლი მოიცავს საქართველოს დამოუკიდებლობის ასწლოვან ისტორიასა და უნივერსიტეტის მნიშვნელობას ქვეყნის განვითარების პროცესში.

მისამართი: ი. ჭავჭავაძის გამზ. 1, თსუ მუზეუმის ცენტრალური საგამოფენო დარბაზი.