პროექტის "საქართველოს ახალგაზრდობის მრავალფეროვნებისა და ტოლერანტობისთვის მომზადება" პრეზენტაცია

16 მაისს, 14:00 საათზე, ივანე ჯავახიშვილის სახელობის თბილისის სახელმწიფო უნივერსიტეტში პროექტის "საქართველოს ახალგაზრდობის მრავალფეროვნებისა და ტოლერანტობისათვის მომზადება" პრეზენტაცია და პირველი სამუშაო შეხვედრა გაიმართება.

ღონისძიებას თსუ რექტორი გიორგი შარვაშიძე, სამცხე-ჯავახეთის სახელმწიფო უნივერსიტეტის რექტორი მერაბ ბერიძე, ეუთოს ეროვნულ უმცირესობათა უმაღლესი  კომისრის უფროსი პოლიტიკური მრჩეველი მარკ ფუმაგალი; ეუთოს ეროვნულ უმცირესობათა უმაღლესი  კომისრის უფროსი იურიდიული მრჩეველი ლაურენც იუჰადირკა; ეუთოს ეროვნულ უმცირესობათა უმაღლესი კომისრის ოფისის პროექტების ოფიცერი მიხაელ ანგერმანი, პროგრამის კოორდინატორი საქართველოში-ნინო გოგოლაძე, პროექტში მონაწილე უმაღლესი სასწავლებლების, განათლებისა და მეცნიერების სამინისტროს წარმომადგენლები, მოწვეული სტუმრები ილიას სახელმწიფო უნივერსიტეტიდან, თელავის, გორისა და ბათუმის სახელმწიფო უნივერსიტეტებიდან დაესწრებიან.

მისამართი:ი.ჭავჭავაძის გამზ.1, თსუ I კორპუსი, 202-ე აუდიტორია