ალექსანდრე ალექსიძის დაბადებიდან 80 წლისთავისადმი მიძღვნილი ღონისძიებები

11 იანვარს, 16:00 საათზე ივანე ჯავახიშვილის სახელობის თბილისის სახელმწიფო უნივერსიტეტში ჰუმანიტარულ მეცნიერებათა ფაკულტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტი ცნობილი ქართველი მეცნიერისა და საზოგადო მოღვაწის ალექსანდრე ალექსიძის დაბადებიდან 80 წლისთავისადმი მიძღვნილ საინსტიტუტო სამეცნიერო სიმპოზიუმს გამართავს.

სიმპოზიუმზე მოხსენებებს წაიკითხავენ: რისმაგ გორდეზიანი - მედეას თემის ინტერპრეტაციის ძირითადი მიმართულებები თანამედროვეობაში; ნანა ტონია - „ისტორიაში სამი ფუნდამენტური სახე“ (ჰ. მიულერი. ფონი - „ფილოქტეტესი“); რუსუდან ცანავა - მითიდან რომანამდე (ოთარ ჭილაძის „გზაზე ერთი კაცი მიდიოდა“); თინა დოლიძე - სულის აღსვლა ღმერთთან კაპადოკიელთა მიხედვით; მაგდა მჭედლიძე - იოანე პეტრიწის „განმარტების“ ტექსტის კრიტიკისათვის.

ღონისძიების ფარგლებში გაიმართება საიუბილეო სხდომა. გამოსვლები:რისმაგ გორდეზიანი, ნანა გაფრინდაშვილი, ელგუჯა ხინთიბიძე, ბარამ ბარამიძე, გოგი ანთელავა, დათო წერედიანი, თამაზ კვაჭანტირაძე, ვალერი ასათიანი, დარეჯან თვალთვაძე, ნანა ტონია, მანანა ფხაკაძე, გასტონ ბუაჩიძე, რევაზ გაჩეჩილაძე.

მისამართი:ი. ჭავჭავაძის გამზ. № 13,თსუ VIII კორპუსი, 220-ე აუდიტორია