იტალიელი პროფესორების საჯარო მოხსენებები თსუ-ში

21 დეკემბერს, 13:00 საათზე, ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის თანამედროვე კერძო სამართლის ინსტიტუტისა და ა(ა)იპ – თანამედროვე შრომის სამართლის ცენტრის ორგანიზებით და თბილისის სააპელაციო სასამართლოს მხარდაჭერით, იტალიელი პროფესორები წაიკითხავენ საჯარო მოხსენებებს შრომის სამართლის სფეროში შემდეგ თემებზე: ანდრეა ბორონი - „ქართული შრომის კოდექსი: ხედვა საზღვარგარეთიდან“; მარკო სეგეზიო - „დისკრიმინაცია და შრომის სამართლის კანონმდებლობა საქართველოში: შედარებითსამართლებრივი პერსპექტივა“; ჯოვანა კარუნიო - „ბავშვები გასართობ სამყაროში: რა არის შრომის სამართლის პასუხები?“.

ღონისძიების ფარგლებში, გაიმართება დაზღვევის სამართლის სფეროში ინიცირებული ერთობლივი პროექტის წარდგენა.

მოხსენებები წარიმართება იტალიურ ენაზე, თარგმანის უზრუნველყოფით.

მისამართი: ი. ჭავჭავაძის გამზ. 1, თსუ პირველი კორპუსი, აუდიტორია №06