2016-03-17
თსუ პირველ კორპუსში სასწავლო პროცესი აღდგა
![](/data/image_db_innova/PR/3131.jpg)
„მინდა მადლობა ვუთხრა ჩვენს სტუდენტებს, რომ კიდევ ერთხელ გამოიჩინეს დიდი სიყვარული და პატივისცემა უნივერსიტეტის მიმართ და ხელი არ შეუშალეს პირველ კორპუსში სასწავლო პროცესის აღდგენას. მადლობა მინდა ვუთხრა ჟურნალისტებს, რომელთაც ჩვენთან ერთად გადაიტანეს ეს მძიმე დღეები და საზოგადოებას მიაწოდეს ობიექტური ინფორმაცია უნივერსიტეტში განვითრებულ მოვლენებზე. განსაკუთრებული მადლობა პოლიციას, რომელმაც ძალიან გამართულად იმუშავა, სწორედ ისე, როგორც ეკადრება უნივერსიტეტს. დიდი მადლობა სრულიად საზოგადოებას, რომელიც მძაფრი ინტერესითა და გულისტკივილით გვადევნებდა თვალყურს და გვერდში დაუდგა უნივერსიტეტს,“- განაცხადა თსუ რექტორმა.
მისი თქმით, დიალოგი არის რთული ვითარებიდან გამოსვლის ყველაზე კარგი გზა და სასიხარულოა, რომ სტუდენტების ორივე ნაწილმა სწორედ ეს გზა აირჩია.
« იხ. ყველა სიახლე