ივანე ჯავახიშვილის სახელობის თბილისის სახელმწიფო უნივერსიტეტისა და ინოვაციურ - პრაქტიკული საგანმანათლებლო ცენტრის ერთობლივი პროექტის ფარგლებში დამამთავრებელი კლასების მოსწავლეთათვის ტრენინგი - „იმიტირებული სახელმწიფო მმართველობა“ ჩატარდა.
პროექტში მონაწილეობდა 200-მდე მოსწავლე თბილისიდან და სხვადასხვა რეგიონიდან. მონაწილეეებმა როლური თამაშების სახით განასახიერეს სახელმწიფო მმართველობის პროცედურები: აირჩიეს პარლამენტი და პრეზიდენტი, მიიღეს კანონი და ვეტო დაადეს მას, ნდობა და უნდობლობა გამოუცხადეს მთავრობას, იმპიჩმენტის წესით გადააყენეს თანამდებობის პირები.
ტრენინგს უძღვებოდნენ კონსტიტუციონალისტები, თსუ-ის პროფესორები: ვასილ გონაშვილი, გია გოგიბერიძე, ზურაბ მაჭარაძე.
როგორც IPEC-ის დამფუძნებელმა, თსუ-ის პროფესორმა ვასილ გონაშვილმა აღნიშნა,
„ეს უკვე მეორე ერთობლივი ფართომასშტაბიანი პროექტია „ადამიანის უფლებები როლური თამაშების“ შემდეგ, სადაც 200 მოსწავლის გადამზადება მოხერხდა. ამ სახის პროექტები მომავალში კვლავ გაგრძელდება“.
მონაწილეებს გადაეცათ ორენოვანი სერტიფიკატები.
