საგარეო ურთიერთობათა დეპარტამენტი აცხადებს კონკურსს ევროკომისიის მიერ დაფინანსებული ერასმუს+ პროგრამის სამაგისტრო, სადოქტორო და აკადემიური პერსონალის გაცვლითი სტიპენდიების მოსაპოვებლად კორუნას უნივერსიტეტში (ესპანეთი)

კონკურსში მონაწილეობის მიღება შეუძლიათ თბილისის სახელწიფო უნივერსიტეტის მაგისტრატურის პირველი და მეორე; დოქტორანტურის პირველი, მეორე, მესამე და მეოთხე სემესტრის სტუდენტებსა და აკადემიური პერსონალის წარმომადგენლებს.

შემოთავაზებული მიმართულებები:
ინგლისურენოვანი/ესპანურენოვანი:
იურიდიული, სოციოლოგია, ბიოლოგია, ქიმია, კომპიუტერული მეცნიერება, მათემატიკა, ფსიქოლოგია

სტიპენდიატთა შესარჩევი პროცესი:

• დოკუმენტაციის შემოწმება (თბილისის სახელწიფო უნივერსიტეტი)
• გასაუბრება შესარჩევ კომისიასთან (თბილისის სახელწიფო უნივერსიტეტი)
• საბოლოო შერჩევა/სტიპენდიის მინიჭება (მასპინძელი უნივერსიტეტი)

დაინტერესებულმა პირებმა ა/წ 6 ივნისის 16:00 საათამდე უნდა გამოაგზავნონ სააპლიკაციო დოკუმენტაციის სრული ჩამონათვალი (PDF ფორმატში) შემდეგ ელ-ფოსტაზე: erasmusplus@tsu.ge

სააპლიკაციო დოკუმენტაციის ჩამონათვალი:
სტუდენტები:

• პასპორტის ასლი
• ცნობა სტუდენტის სტატუსის შესახებ (ინგლისურ ენაზე ნათარგმნი და ნოტარიულად დამოწმებული)
• ნიშნების ამონაწერი (ინგლისურ ენაზე ნათარგმნი და ნოტარიულად დამოწმებული)
• CV-ს ევროპული ფორმატი (ინგლისურ ენაზე, არაუმეტეს ორი გვერდისა)
• მოტივაციის წერილი (ესპანურ/ინგლისურ ენაზე, არაუმეტეს ერთი გვერდისა)
• ერთი სარეკომენდაციო წერილი (ინგლისურ ენაზე, ხელმოწერითა და ბეჭდით დამოწმებული)
• შევსებული და დამოწმებული სასწავლო ხელშეკრულება (ინგლისურ ენაზე, მხოლოდ მაგისტრატურის სტუდენტებისთვის) დანართი 1
• საკვლევი გეგმის მონახაზი (ესპანურ/ინგლისურ ენაზე, მხოლოდ დოქტორანტურის სტუდენტებისთვის)
• ენის ცოდნის დამადასტურებელი დოკუმენტი (ენის საერთაშორისო სერთიფიკატი ან თსუ ენის ინსტიტუციონალური ტესტირების შედეგი)
• ბაკალავრის დიპლომი (მაგისტრატურის სტუდენტებისთვის)
• მაგისტრის დიპლომი (დოქტორანტურის სტუდენტებისთვის)
• წინასწარი მიღების წერილი (მეილით მიღებული თანხმობაც საკმარისია. დოკუმენტი სავალდებულოა, მხოლოდ დოქტორანტურის სტუდენტებისთვის).
  

პერსონალი:

• პასპორტის ასლი
• ცნობა სამსახურიდან (ინგლისურ ენაზე)
• CV-ს ევროპული ფორმატი (ინგლისურ ენაზე, არაუმეტეს ორი გვერდისა)
• უცხო ენის ცოდნის დამადასტურებელი დოკუმენტი
• ერთი სარეკომენდაციო წერილი (ინგლისურ ენაზე, ხელმოწერითა და ბეჭდით დამოწმებული)
• სამუშაო გეგმის მონახაზი (ინგლისურ/ესპანურ ენაზე)
• წინასწარი თანხმობა მიღებაზე (pre-acceptance) მასპინძელი უნივერსიტეტიდან (ოფიციალური წერილი სავალდებულო არ არის, საკმარისია მეილით მიღებული თანხმობა)

სტიპენდიის ხანგრძლივობა:
სტუდენტები:
მაგისტრები: 5 თვე; დოქტორანტები: 3-5 თვე
პერსონალი:
5 დღე

სტიპენდია მოიცავს:
სტუდენტები:
ყოველთვიური სტიპენდია 800 ევროს ოდენობით + ორმხრივი საერთაშორისო მგზავრობის დაფინანსება.
პერსონალი:
დღიური სტიპენდია + ორმხრივი საერთაშორისო მგზავრობის ანაზღაურება

შერჩეულმა სტიპენდიატებმა თავად უნდა აანაზღაურონ სავიზო მოსაკრებლისა და ყოველთვიური საერთაშორისო დაზღვევის ხარჯები!!!

არასრული ან/და დაგვიანებული განცხადებები არ მიიღება!!!