ყოველწლიური სტუდენტური კონფერენცია გენდერის კვლევაში

ივანე ჯავახიშვილის სახელობის თბილისის სახელმწიფო უნივერსიტეტის გენდერის კვლევის ინსტიტუტი იწყებს ყოველწლიური სტუდენტური კონფერენციის ორგანიზებას გენდერის კვლევაში. კონფერენციაში მონაწილეობის მისაღებად ვიწვევთ, როგორც თსუ-ს ასევე სხვა უმაღლესი სასწავლებლების სტუდენტებს. პირველი კონფერენცია გაიმართება ამაწლის 30-31 მარტს.

კონფერენციის მიზანია სტუდენტური კვლევის წახალისება და მხარდაჭერა და სტუდენტთა შორისგენდერის კვლევაში აკადემიური დისკუსიის ხელშეწყობა. წლევანდელი კონფერენციის ფარგლებში სტუდენტებს მიეცემათ შესაძლებლობა წარმოადგინოთ თავიანთი ნაშრომები ქალთა უფლებებისა და მასკულინობის კვლევის თემებზე.

კონფერენციაზე მიღებული იქნება   ნაშრომები შემდეგ თემებზე:

1.    ქალთა უფლებები

·         გენდერული თანასწორობა და ქალთა მონაწილეობა პოლიტიკურ ცხოვრებაში

·         გენდერული თანასწორობა და ქალთა ეკონომიკური უფლებები

·         ქალთა სექსუალური და რეპროდუქციული ჯანმრთელობა და უფლებები

·         ძალადობა ქალთა და გოგონათა მიმართ

 

2.    მასკულინობის კვლევა

·         მასკულინობის ჰეგემონური და სხვა ტიპები თანამედროვე ქართულ კონტექსტში

·         მასკულინობა და ჰომოფობია

·         ცვლილებები და გამოწვევები ფემინობისა და მასკულინობის პრაქტიკაში

 

აბსტრაქტის მიღების ბოლო ვადაა 11 მარტი, 2015.

კონფერენციის თარიღი: 30-31 მარტი , 2015.

კონფერენციის ადგილი: თსუ I კორპუსი

კონფერენციის სამუშაო ენა:  ქართული

 
სააპლიკაციო ფორმა

დამატებითი ინფორმაციისთვის დაგვიკავშირდეთ შემდეგ მისამართზე: genderinstitute@tsu.ge