კონკურსი აკადემიური პერსონალისთვის ერაზმუს+ პროგრამის სტიპენდიების მოსაპოვებლად ლისაბონის უნივერსიტეტში (პორტუგალია)

ცხადდება კონკურსი თსუ აკადემიური პერსონალისთვის ევროკომისიის მიერ დაფინანსებული ერაზმუს+ პროგრამის სტიპენდიების მოსაპოვებლად ლისაბონის უნივერსიტეტში (პორტუგალია)

კონკურსში მონაწილეობის მიღება შეუძლიათ თბილისის სახელწიფო უნივერსიტეტის ჰუმანიტარულ მეცნიერებათა ფაკულტეტის აკადემიურ პერსონალს. 

მიმართულებები: არქეოლოგია, ხელოვნებათმცოდნეობა, ისტორია

სტიპენდიატთა შესარჩევი პროცესი:

დოკუმენტაციის შემოწმება (თბილისის სახელმწიფო უნივერსიტეტი)

გასაუბრება კომისიასთან (თბილისის სახელმწიფო უნივერსიტეტი)

საბოლოო შერჩევა/სტიპენდიის მინიჭება (მასპინძელი უნივერსიტეტი)

დაინტერესებულმა პირებმა სააპლიკაციო დოკუმენტაციის სრული ჩამონათვალი უნდა გადმოგზავნონ ა/წ 30 იანვარის 12:00 საათამდე შემდეგ ელექტრონულ მისამართზე: 

outgoingmobility@tsu.ge!

სააპლიკაციო დოკუმენტაციის ჩამონათვალი:

პასპორტის ასლი 

ცნობა სამსახურიდან (ინგლისურ ენაზე)

CV-ს ევროპული ფორმატი (ინგლისურ ენაზე)

მოტივაციის წერილი (ინგლისურ ენაზე, არაუმეტეს ერთი გვერდისა)

უცხო ენის ცოდნის დამადასტურებელი დოკუმენტი

ფაკულტეტის დეკანის სარეკომენდაციო წერილი (ინგლისურ ენაზე;  ხელმოწერითა და ბეჭდით დამოწმებული)

დაინტერესების წერილი (Letter of Interest) მასპინძელი უნივერსიტეტიდან (ოფიციალური წერილი სავალდებულო არ არის, საკმარისია მეილით მიღებული თანხმობა/დაინტერესება მასპინძელი უნივერსიტეტიდან. წერილის მოსაპოვებლად CV და სამუშაო გეგმის მოკლე მონახაზი გადაუგზავნეთ ლისაბონის უნივერსიტეტის საგარეო ურთიერთობის დეპარტამენტის თანამშრომელს შემდეგ ელ. ფოსტაზე: luisa.santos@letras.ulisboa.pt).

შევსებული სამუშაო გეგმა (ინგლისურ ენაზე; მინიმუმ 8-საათიანი სალექციო დატვირთვა; ფაკულტეტის დეკანის ხელმოწერით და ბეჭდით დამოწმებული) დანართი 1

სტიპენდია მოიცავს:

დღიური სტიპენდია, ორმხრივი საერთაშორისო მგზავრობის დაფინანსება. 

სტიპენდიის ხანგრძლივობა:

5 სამუშაო დღე (2020 სასწავლო წლის აპრილი-მარტი)

დამატებითი ინფორმაცია: 

დაგვიანებული განცხადებები არ მიიღება!

დამატებითი ინფორმაციისათვის იხ. ბმულები

დამატებითი კითხვების არსებობის შემთხვევაში დაუკავშირდით საგარეო ურთიერთობათა დეპარტამენტს შემდეგი ელ-ფოსტის საშუალებით: outgoingmobility@tsu.ge;

გასაუბრებების თარიღი და დრო ინდივიდუალურად გაეგზავნება ყველა აპლიკანტს განაცხადში მითითებული ელ.ფოსტის საშუალებით;