ჯონ დ. და კეტრინ ტ. მაკარტურების ფონდი კერძო საქველმოქმედო ორგანიზაციაა, რომელიც კონცენტრირებულია შემდეგი 8 პროგრამის განხორციელებაზე:

1. საქალაქო საზოგადოების განვითარება (ეკონომიკური, სოციალური და კულტურული ხასიათის პროექტები).
   
2. განათლების განვითარება (განათლების სისტემის სრულყოფა ნაციონალური მასშტაბით);
   
3. პროგრამა ჯანდაცვის სფეროში (ფსიქიური ჯანმრთელობის დაცვა და ბრძოლა პარაზიტორულ დაავადებებთან);
   
4. სტიპენდიების გაცემა განსაკუთრებული შემოქმედებითი ნიჭით დაჯილდოებულ ადამიანებისთვის.
   
5. საერთაშორისო თანამშრომლობის განვითარების ხელშეწყობა (სოციალური, საგანმანათლებლო და კვლევითი პროექტები);
   
6. მოსახლეობის ზრდა, განვითარება (კვლევები და სოციალური პროგრამები, რომლებიც დაკავშირებულია მოსახლეობის ზრდასთან)
   
7. გარემო და რესურსები (გარემოს დაცვასა და ბუნებრივი რესურსების რაციონალურ გამოყენებაზე ორიენტირებული პროექტები;).
   
8. ზოგადი ხასიათის პროგრამა (პროექტები მასმედიის სფეროში, აგრეთვე, საყურადღებო პროექტები, რომლებიც არ ხვდება ფონდის საქმიანობის სხვა პრიორიტეტულ მიმართულებებში ან ხვდება ერთდროულად რამდენიმე მიმართულებაში);
   

1992 წელს მაკარტურების ფონდმა დააფუძნა გრანტების გაცემის ახალი პროგრამა ყოფილი საბჭოთა კავშირის დამოუკიდებელი სახელმწიფოების _ სასომხეთის, აზერბაიჯანის, ბელორუსიის, საქართველოს, ყაზახეთის, ყირგიზეთის, ლატვიის, ლიტვის, მოლდოვეთის, რუსეთის, ტაჯიკეთის, თურქმენეთის, უკრაინის, უზბეკეთის, ესტონეთის მოქალაქეებზე.