,,სსიპ - ივანე ჯავახიშვილის სახელობის თბილისის სახელმწიფო უნივერსიტეტის სტრუქტურულ ერთეულებში მატერიალურად პასუხისმგებელი პირების დანიშვნის შესახებ” ადმინისტრაციის ხელმძღვანელის 2014 წლის 28 აპრილის №58/02-01 ბრძანებაში ცვლილებების შეტანის თაობაზე

,,უმაღლესი განათლების შესახებ’’ საქართველოს კანონის 23-ე მუხლის პირველი პუნქტის, 24-ე მუხლის პირველი პუნქტის ,,ზ’’ ქვეპუნქტის, საქართველოს ზოგადი ადმინისტრაციული კოდექსის 52-ე მუხლის პირველი ნაწილის, 54–ე მუხლის პირველის ნაწილის, 57-ე მუხლის და 63-ე მუხლის, ,,არასამეწარმეო (არაკომერციული) იურიდიული პირის ივანე ჯავახიშვილის სახელობის თბილისის სახელმწიფო უნივერსიტეტის (საიდენტიფიკაციო კოდი 204864548) გარდაქმნის (რეორგანიზაციის) შესახებ” საქართველოს მთავრობის 2013 წლის 29 ივლისის №187 დადგენილების, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული საჯარო სამართლის იურიდიული პირის - ივანე ჯავახიშვილის სახელობის თბილისის სახელმწიფო უნივერსიტეტის წესდების მე–15 მუხლის პირველი პუნქტის, მე–16 მუხლის პირველი პუნქტის „ნ“ ქვეპუნქტის, უნივერსიტეტის ეროვნული სამეცნიერო ბიბლიოთეკის დირექტორის ი. ღარიბაშვილის 2015 წლის 01 ივნისის №17824/02, საფინანსო დეპარტამენტისა და მატერიალური რესურსების მართვის დეპარტამენტის ექსპერტის მ. ცარციძის 2015 წლის 08 ივნისის №18314/08 კორესპონდენციებისა და გარემოსა და ბუნებრივი რესურსების დაცვის სამინისტროს 2015 წლის 02 ივნისის №375 ბრძანების საფუძველზე,

ვ ბ რ ძ ა ნ ე ბ:

1. შევიდეს შემდეგი ცვლილებები ,,სსიპ - ივანე ჯავახიშვილის სახელობის თბილისის სახელმწიფო უნივერსიტეტის სტრუქტურულ ერთეულებში მატერიალურად პასუხისმგებელი პირების დანიშვნის შესახებ” ადმინისტრაციის ხელმძღვანელის 2014 წლის 28 აპრილის №58/02-01 ბრძანებაში:

ა) ბრძანების დანართი №1-ის მე-3 მუხლის მე-4 პუნქტის ,,ე” ქვეპუნქტი ჩამოყალიბდეს შემდეგი რედაქციით:

,,ე. ნუგზარ გუბაძე – ბირთვული ფიზიკის ლაბორატორიის გამგე (ლაბორატორიაში არსებულ მატერიალურ ფასეულობებზე, მათ შორის ალფა, გამა და ბეტა სპექტომეტრებზე მატერიალურად პასუხისმგებელი პირი)”;

ბ) ბრძანების დანართის №1-ის მე-7 მუხლის მე-6 პუნქტი ჩამოყალიბდეს შემდეგი რედაქციით:

,,6. გიორგი გოგსაძე – რექტორის მოადგილის თანაშემწე (თსუ I კორპუსი, ოთახი №105 - რექტორის მოადგილის ოფისი, თსუ I კორპუსი, ოთახი №020);

გ) ბრძანების დანართი №1-ის 41-ე მუხლის მე-14 პუნქტის ,,ა.ა” და ,,ბ.ვ” ქვეპუნქტები ჩამოყალიბდეს შემდეგი რედაქციით:

,,ა.ა. ზურაბ მაკარიძე – ეროვნული სამეცნიერო ბიბლიოთეკის სამეურნეო სამსახურის საწყობის გამგე”;

,,ბ.ვ. მიხეილ ვარაზაშვილი – ეროვნული სამეცნიერო ბიბლიოთეკის კომენდანტი”.

2. ბრძანების უნივერსიტეტის ოფიციალურ ვებ-გვერდზე განთავსება დაევალოს საინფორმაციო ტექნოლოგიების დეპარტამენტს.

3. ბრძანება ძალაში შედის კანონმდებლობით დადგენილი წესით.

ადმინისტრაციის ხელმძღვანელი დავით ჩომახიძე

« უკან დაბრუნება