ივანე ჯავახიშვილის სახელობის თბილისის სახელმწიფო უნივერსიტეტის წარმომადგენლობითი საბჭოს წევრთა არჩევნების დანიშვნის შესახებ

,,უმაღლესი განათლების შესახებ" საქართველოს კანონის 22-ე მუხლის, საქართველოს განათლებისა და მეცნიერების მინისტრის 2008 წლის 29 მაისის #490 ბრძანებით დამტკიცებული ,,საჯარო სამართლის იურიდიული პირის - ივანე ჯავახიშვილის სახელობის თბილისის სახელმწიფო უნივერსიტეტის წესდების" მე-16 მუხლის მე-2 პუნქტის, ასევე აკადემიური საბჭოს 2009 წლის 6 ივლისის #244 დადგენილებით მიღებული და წარმომადგენლობითი საბჭოს 2009 წლის 9 ივლისის #21 სხდომის გადაწყვეტილებით დამტკიცებული ,, ივანე ჯავახიშვილის სახელობის თბილისის სახელმწიფო უნივერსიტეტის წარმომადგენლობითი საბჭოს წევრთა არჩევის წესის" 1-ლი მუხლის მე-7 პუნქტის შესაბამისად,

ვ ბ რ ძ ა ნ ე ბ:

გამოცხადდეს ივანე ჯავახიშვილის სახელობის თბილისის სახელმწიფო უნივერსიტეტის წარმომადგენლობითი საბჭოს წევრთა არჩევნები ზუსტ და საბუნებისმეტყველო მეცნიერებათა ფაკულტეტსა (სტუდენტი სენატის 2 წევრი) და სოციალურ და პოლიტიკურ მეცნიერებათა ფაკულტეტზე (სტუდენტი სენატის 1 წევრი).
არჩევნები დაინიშნოს 2009 წლის 11 ნოემბერს.
ასარჩევ კანდიდატთა რეგისტრაცია 2009 წლის 20 ოქტომბრიდან 2 ნოემბრის ჩათვლით უზრუნველყოს თსუ საარჩევნო კომისიამ.
არჩევნების ჩატარება უზრუნველყოს თსუ რექტორის 2009 წლის 13 მარტის #26/01-01 და #28/01-01 ბრძანებებით შექმნილმა ივანე ჯავახიშვილის სახელობის თბილისის სახელმწიფო უნივერსიტეტის საარჩევნო და შესაბამისი ფაკულტეტების საარჩევნო კომისიებმა. საარჩევნო კომისიამ იხელმძღვანელოს აკადემიური საბჭოს 2009 წლის 6 ივლისის #244 დადგენილებით მიღებული და წარმომადგენლობითი საბჭოს 2009 წლის 9 ივლისის #21 სხდომის გადაწყვეტილებით დამტკიცებული ,,ივანე ჯავახიშვილის სახელობის თბილისის სახელმწიფო უნივერსიტეტის წარმომადგენლობითი საბჭოს წევრთა არჩევის წესითა" და შესაბამისი რეგლამენტით.
ბრძანება საჯარო გაცნობის მიზნით გამოიკრას თვალსაჩინო ადგილას და განთავსდეს თსუ ოფიციალურ ვებ-გვერდზე.
ბრძანება ძალაშია ხელმოწერისთანავე.

რექტორი, პროფესორი
გ. ხუბუა

« უკან დაბრუნება