2011-02-17
ბრძანება №:19/02-01
სსიპ-ივანე ჯავახიშვილის სახელობის თბილისის სახელმწიფო უნივერსიტეტის ენების შემსწავლელი ცენტრის მასწავლებელთა ატესტაციის შესახებ
სსიპ-ივანე ჯავახიშვილის სახელობის თბილისის სახელმწიფო უნივერსიტეტის ენების შემსწავლელი ცენტრის მასწავლებელთა ატესტაციის შესახებ
"უმაღლესი განათლების შესახებ" საქართველოს კანონის 23-ე მუხლის პირველი პუნქტის და 24-ე მუხლის პირველი პუნქტის "ზ" ქვეპუნქტის, საქართველოს განათლებისა და მეცნიერების მინისტრის 2008 წლის 29 მაისის №490 ბრძანებით დამტკიცებული "საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების" 24-ე მუხლის და 25-ე მუხლის პირველი პუნქტის "ზ" ქვეპუნქტის, "ივანე ჯავახიშვილის სახელობის თბილისის სახელმწიფო უნივერსიტეტის ადმინისტრაციულ-დამხმარე და სხვა პერსონალის საშტატო განრიგისა და სახელფასო ფონდის დამტკიცების შესახებ” ადმინისტრაციის ხელმძღვანელის 2010 წლის 27 დეკემბრის №294/02-01 ბრძანების, ენების შემსწავლელი ცენტრის უფროსის რუსუდან დოლიძის 2011 წლის 10 თებერვლის№2659/02 წერილის საფუძველზე,
ვ ბ რ ძ ა ნ ე ბ:
2. ატესტაციაში მონაწილეობის მიღება შეუძლიათ ენების შემსწავლელ ცენტრში დასაქმებულ მასწავლებლებს (გარდა ეკონომიკისა და ბიზნესის ფაკულტეტზე დასაქმებული ინგლისური ენის მასწავლებლებისა), ვინც აკმაყოფილებს შემდეგ კრიტერიუმებს:
ა)შესაბამისი უმაღლესი განათლება (მაგისტრის ან მაგისტრთან გათანაბრებული "ფილოლოგი-ანგლისტი/-გერმანისტი/-რომანისტი" ან შესაბამისი "უცხო ენის მასწავლებელი" ან სერტიფიკატ "CELTA "-ს მფლობელი);
ბ)უმაღლეს სასწავლებელში მუშაობის სულ მცირე სამწლიანი დოკუმენტურად დადასტურებული გამოცდილება;
გ) გუნდური მუშაობისა და პროფესიული კომუნიკაციის უნარი;
დ) საოფისე პროგრამების ცოდნა;
ე) არასპეციალური მიმართულებით _ რომელიმე დარგობრივი ენის ცოდნა;
3. ატესტაციაში მონაწილეობის მსურველ აპლიკანტებს მოეთხოვებათ:
ა) შემდეგი საბუთების წარმოდგენა ელექტრონული ვერსიის სახით ონ-ლაინ რეჟიმში შემდეგ მისამართზე enebis.centri@tsu.ge:
ა.ა) განცხადება შესარჩევი კომისიის სახელზე მიმართულების მითითებით (დანართი 1);
ა.ბ) ავტობიოგრაფია (Resuma/CV _ შესაბამის უცხო ენაზე);
ა.გ) სამოტივაციო წერილი (email Cover Letter) შესაბამის უცხო ენაზე;
ბ) ქვემოთ ჩამოთვლილი დოკუმენტები გადმოგზავნილ უნდა იქნას
დასკანერებული ფორმატით შემდეგ მისამართზე enebis.centri@tsu.ge
ბ.ა) პირადობის მოწმობის ან პასპორტის სურათიანი გვერდის ასლი;
ბ.ბ) უმაღლესი განათლების დამადასტურებელი დოკუმენტაციის/დოკუმენტის ასლი/ასლები (მაგისტრის ან მაგისტრთან გათანაბრებული ფილოლოგი_ ანგლისტი/-გერმანისტი/-რომანისტი" ან შესაბამისი "უცხო ენის მასწავლებელი" ან სერტიფიკატი "CELTA");
ბ.გ) პროფესიული (ენობრივი კომპეტენციის, მეთოდური, დარგობრივი ენის)
განვითარების დამადასტურებელი სერტიფიკატები;
ბ.დ) პუბლიკაციები (სასწავლო-მეთოდური);
ბ.ე) გაკვეთილის გეგმა (Lesson plan). (გაკვეთილის გეგმას უნდა ახლდეს შესაბამის უცხო ენაზე დეტალურად ჩამოყალიბებული გაკვეთილის მიზნები, სტრატეგის, გამოყენებული ინოვაციური მეთოდები და ტექნოლოგიები და მიღებული შედეგებისარგუმენტირებული აღწერა). სასურველია არასპეციალური მიმართულებით _ გაკვეთილის გეგმის თემატიკა ფარავდეს რომელიმე დარგობრივ ენას.
4. შეიქმნას კომისია ენების შემსწავლელი ცენტრის მასწავლებელთა ატესტაციის მიზნით (დანართი 2);
5. ატესტაცია ჩატარდება წარმოდგენილი დოკუმენტაციისა და საატესტაციო კომისიის მუშაობის წესის შესაბამისად და საატესტაციო კომისიის მუშაობის წესის საფუძველზე (დანართი 3);
6. დამტკიცდეს ენების შემსწავლელი ცენტრის მასწავლებლის ვადებულებები (დანართი 4)
7. მასწავლებლის შრომის ანაზღაურება განისაზღვრება თვეში 800 ლარის ოდენობით;
8. მასწავლებელთა სავალდებულო კვირეული დატვირთვა განისაზღვრება 12 აკადემიური საათით;
9. ატესტაციის შედეგად შერჩეული მასწავლებელი დაიტვირთოს მხოლოდ იმ მიმართულების (ფილოლოგიის ან არასპეციალური) საათებით, რომელიც მითითებული აქვს განცხადებაში;
10. დამატებითი შესრულებული სამუშაოს ანაზღაურება განხორციელდეს ადმინისტრაციის ხელმძღვანელის ბრძანების საფუძველზე.
11. ატესტაციის შედეგად შერჩეული მასწავლებლის შრომითი ხელშეკრულების ხანგრძლივობა განისაზღვრება 4 წლის ვადით;
12. საბუთების მიღება იწარმოებს წინამდებარე ბრძანებით განსაზღვრულ ელექტრონულ მისამართზე _ ონლაინ რეჟიმში 2011 წლის 17 თებერვლიდან 28 თებერვლის ჩათვლით;
13. ატესტაცია ჩატარდება 2011 წლის 1 მარტიდან 5 მარტის ჩათვლით;
14. ბრძანების უნივერსიტეტის ოფიციალურ ვებ-გვერდზე განთავსება დაევალოს უნივერსიტეტის საინფორმაციო ტექნოლოგიების მომსახურების ცენტრს;
15. დაევალოს კანცელარიას ბრძანების დაგზავნის ფურცელში მითითებული
სტრუქტურული ერთეულებისათვის გადაცემა.
ადმინისტრაციის ხელმძღვანელი დ. ჩომახიძე
« უკან დაბრუნება