სსიპ ივანე ჯავახიშვილის სახელობის თბილისის სახელმწიფო უნივერსიტეტის ევროპული კვლევების ინსტიტუტის მდივნის შესარჩევად კონკურსის გამოცხადების შესახებ

"უმაღლესი განათლების შესახებ" საქართველოს კანონის 23-ე მუხლის პირველი პუნქტის, 24-ე მუხლის "ზ" ქვეპუნქტის, საქართველოს განათლებისა და მეცნიერების მინისტრის 2008 წლის 29 მაისის №490 ბრძანებით დამტკიცებული "საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების" 24-ე მუხლის, 25-ე მუხლის პირველის პუნქტის "ზ" ქვეპუნქტის და თსუ-ის ევროპული კვლევების ინსტიტუტის დირექტორის  2010 წლის 1 ოქტომბრის №24875/02; №24876/02 წერილების საფუძველზე,

1. გამოცხადდეს კონკურსი ევროპული კვლევების ინსტიტუტის მდივნის შესარჩევად;
2. ინსტიტუტის მდივანს მოეთხოვება:
   ა)  სამაგისტრო და სადოქტორო პროგრამების განხორციელებაში ინსტიტუტის დირექტორის საქმიანობის ხელშეწყობა;
   ბ)  ინსტიტუტის რესურს-ცენტრისა და ბიბლიოთეკის მართვა;
   გ)  ინსტიტუტის სტუდენტთა და პედაგოგების სასწავლო მასალებით უზრუნველყოფა;
   დ)  ინსტიტუტის დოკუმენტაციის თარგმნა (ინგლისურიდან ქართულად და პირიქით);
   ე)  დისტანციური სწავლების ორგანიზაციული ხელშეწყობა;
   ვ)  უცხოელი ექსპერტების ლოგისტიკური საკითხების მოგვარება;
   ზ)  ინგლისური ენის სრულყოფილად ფლობა; 
3. კანდიდატი ვალდებულია წარმოადგინოს:
   ა)    განცხადება კომისიის სახელზე;
   ბ)    ავტობიოგრაფია ( cv  ქართულ და ინგლისურ ენაზე);
   გ)   პირადობის მოწმობის ასლი;
   დ)  განათლების დამადასტურებელი დიპლომის (დიპლომების) ასლი;
   ე)   კვალიფიკაციის დამადასტურებელი სერტიფიკატის (სერტიფიკატები) ასლი.
4. კონკურსის შედეგად შერჩეული კანდიდატის შრომის ანაზღაურების ოდენობა  და სხვა პირობები აისახოს შრომით     ხელშეკრულებაში;
5. ევროპული კვლევების ინსტიტუტის მდივნის შესარჩევად შეიქმნას საკონკურსო კომისია შემდეგი შემადგენლობით:
   1)   ლევან ალექსიძე _ (კომისიის თავმჯდომარე) ივანე ჯავახიშვილის სახელობის თბილისის სახელმწიფო უნივერსიტეტის  რექტორის   მოადგილის მოვალეობის შემსრულებელი;
   2)    ნინო ლაპიაშვილი _ ევროპული კვლევების ინსტიტუტის დირექტორი;
   3)    ოლივერ რაისნერი _ ევროკომისია, პროექტის მენეჯერი;
   4)    ქეთევან ხუციშვილი _ იურიდიულ ფაკულტეტის მოწვეული ლექტორი;
6. დამტკიცდეს  კომისიის მუშაობის წესი თანდართული დანართის სახით (დანართი 1):
7. საბუთების  მიღება იწარმოებს   2010 წლის 15 ოქტომბრიდან 28 ოქტომბრის ჩათვლით  თსუ-ის II კორპუსში (ი. ჭავჭავაძის გამზ. №3, ოთახი 158); 
8. კონკურსი ჩატარდება  2010 წლის 2 ნოემბერს;
9. ბრძანება განთავსდეს თსუ-ს ოფიციალურ ვებ-გვერდზე;
10. ინფორმაცია ევროპული კვლევების ინსტიტუტის  მდივნის შესარჩევად გამოცხადებული კონკურსის შესახებ განთავსდეს www.jobs.ge-  ზე;
11. დაევალოს კანცელარიას ბრძანების დაგზავნის ფურცელში მითითებული სტრუქტურული ერთეულებისათვის გადაცემა.
    

ადმინისტრაციის ხელმძღვანელის                        
მოვალეობის შემსრულებელი                                  დ. ჩომახიძე