სსიპ – ივანე ჯავახიშვილის სახელობის თბილისის სახელმწიფო უნივერსიტეტში 2011-2012 სასწავლო წლის შემოდგომის სემესტრში მაგისტრატურასა და დოქტორანტურაში მიღების გამოცხადების შესახებ

სსიპ – ივანე ჯავახიშვილის სახელობის თბილისის სახელმწიფო უნივერსიტეტში
2011-2012 სასწავლო წლის შემოდგომის სემესტრში მაგისტრატურასა და დოქტორანტურაში მიღების გამოცხადების შესახებ

„უმაღლესი განათლების შესახებ" საქართველოს კანონის 22-ე მუხლის პირველი პუნქტის, საქართვლოს ზოგადი ადმინისტრაციული კოდექსის 54-ე მუხლის პირველი ნაწილის, 56-ე მუხლის მე-2 ნაწილის, 57-ე მუხლის, საქართველოს განათლებისა და მეცნიერების მინისტრის 2008 წლის 29 მაისის #490 ბრძანებით დამტკიცებული საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების მე-16 მუხლის მე-2 პუნქტისა და "საგანმანათლებლო პროგრამების დამტკიცების შესახებ" აკადემიური საბჭოს 2011 წლის 29 ივნისის #57 დადგენილების საფუძველზე,

ვბრძანებ:

გამოცხადდეს მიღება სსიპ – ივანე ჯავახიშვილის სახელობის თბილისის სახელმწიფო უნივერსიტეტში 2011-2012 სასწავლო წლის შემოდგომის სემესტრში აკადემიური საბჭოს 2011 წლის 29 ივნისის №57 დადგენილებით დამტკიცებულ სამაგისტრო და სადოქტორო პროგრამებზე;
განისაზღვროს სსიპ – ივანე ჯავახიშვილის სახელობის თბილისის სახელმწიფო უნივერსიტეტში 2011-2012 სასწავლო წლის შემოდგომის სემესტრისათვის მაგისტრატურაში მიღების ვადები:
ა) მაგისტრანტობის კანდიდატთა საბუთების მიღება – 29 აგვისტო – 8 სექტემბერი;
ბ) გამოცდა უცხო ენაში (იმ საგანმანათლებლო პროგრამების მაგისტრანტობის კანდიდატებისათვის, რომლებსაც მოეთხოვებათ უცხო ენის გამოცდა) – 12 სექტემბერი;
გ) გამოცდის შედეგების გამოცხადება – 13 სექტემბერი;
დ) გამოცდის შედეგების გასაჩივრება – 14 -16 სექტემბერი;
ე) აპელაციის შედეგების გამოცხადება – 19 სექტემბერი;
ვ) გასაუბრება (იმ საგანმანათლებლო პროგრამების მაგისტრანტობის კანდიდატებისათვის, რომლებსაც მოეთხოვებათ გასაუბრება) – 20 სექტემბერი;
ზ) გამოცდა სპეციალობაში – 21 სექტემბერი;
თ) გამოცდის შედეგების გამოცხადება – 23 სექტემბერი;
ი) გამოცდის შედეგების გასაჩივრება – 26 – 28 სექტემბერი;
კ) აპელაციის შედეგების გამოცხადება – 29 სექტემბერი;
ლ) ხელშეკრულების გაფორმება მაგისტრანტობის კანდიდატებთან - 30 სექტემბერი – 7 ოქტომბერი;
მ) ჩარიცხვის ბრძანების პროექტის მომზადება - 8 ოქტომბერი.
განისაზღვროს სსიპ – ივანე ჯავახიშვილის სახელობის თბილისის სახელმწიფო უნივერსიტეტში 2011-2012 სასწავლო წლის შემოდგომის სემესტრისათვის დოქტორანტურაში მიღების ვადები:
ა) საბუთების მიღება – 5 - 13 სექტემბერი;
ბ) გამოცდა უცხო ენაში – 15 სექტემბერი;
გ) გამოცდის შედეგების გამოცხადება – 16 სექტემბერი;
დ) გამოცდის შედეგების გასაჩივრება – 19 – 21 სექტემბერი;
ე) აპელაციის შედეგების გამოცხადება – 22 სექტემბერი;
ვ) დარგობრივ კომისიასთან გასაუბრება – 23 – 27 სექტემბერი;
ზ) ხელშეკრულების გაფორმება დოქტორანტობის კანდიდატებთან - 28 სექტემბერი – 7 ოქტომბერი;
თ) ჩარიცხვის ბრძანების პროექტის მომზადება _ 8 ოქტომბერი.
ბრძანების უნივერსიტეტის ოფიციალურ ვებ–გვერდზე განთავსება დაევალოს უნივერსიტეტის საინფორმაციო ტექნოლოგიების მომსახურების ცენტრს.
ბრძანების ყველასათვის ხელმისაწვდომ ადგილზე განთავსების უზრუნველყოფა დაევალოს უნივერსიტეტის კანცელარიას.
ბრძანება ძალაში შევიდეს საჯაროდ გამოცხადებისთანავე.

რექტორი ალექსანდრე კვიტაშვილი

« უკან დაბრუნება