ივანე ჯავახიშვილის სახელობის თბილისის სახელმწიფო უნივერსიტეტის ევროპული კვლევების ინსტიტუტის მდივნის შესარჩევი საკონკურსო კომისიის შემადგენლობის დამტკიცების შესახებ

"უმაღლესი განათლების შესახებ" საქართველოს კანონის 23-ე, 24-ე მუხლების, საქართველოს განათლებისა და მეცნიერების მინისტრის 2008 წლის 29 მაისის №490 ბრძანებით დამტკიცებული "საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების" 25-ე მუხლის 1-ლი პუნქტის "ზ" ქვეპუნქტის საფუძველზე

ვ ბ რ ძ ა ნ ე ბ:

1. დამტკიცდეს ივანე ჯავახიშვილის სახელობის თბილისის სახელმწიფო უნივერსიტეტის ევროპული კვლევების ინსტიტუტის მდივნის შესარჩევი საკონკურსო კომისია შემდეგი შემადგენლობით:
1) რომან ხარბედია _ ადმინისტრაციის ხელმძღვანელის მოვალეობის შემსრულებელი, კომისიის თავმჯდომარე
2) ნინო ლაპიაშვილი _ ევროპული კვლევების ინსიტუტის დირექტორი
3) ლელა ბენიძე _ იურიდიული დეპარტამენტის უფროსი, კომისიის მდივანი

2. კონკურსი ჩატარდეს ორ ეტაპად:
პირველ ეტაპზე განხორციელდეს წარმოდგენილი დოკუმენტაციის შესაბამისობის დადგენა ადმინისტრაციის ხელმძღვანელის მოვალეობის შემსრულებლის 2010 წლის 24 მარტის №65/02-01 ბრძანების მე-7 პუნქტით გათვალისწინებულ მოთხოვნებთან;
მეორე ეტაპზე, პირველ ეტაპზე შერჩეულ კანდიდატებთან ჩატარდეს ინტერვიუ ადმინისტრაციის ხელმძღვანელის მოვალეობის შემსრულებლის 2010 წლის 24 მარტის №65/02-01 ბრძანების მე-6 პუნქტით გათვალისწინებული მოთხოვნების შესაბამისად;

3. ბრძანება განთავსდეს თსუ-ს ოფიციალურ ვებ-გვერდზე;

4. ბრძანება ძალაშია ხელმოწერისთანავე.

   საფუძველი:. ადმინისტრაციის ხელმძღვანელის მოვალეობის შემსრულებლის 2010 წლის 24 მარტის №65/02-01 ბრძანება, 2010 წლის 1 ივნისის №122/02-01 ბრძანება.

ადმინისტრაციის ხელმძღვანელის
მოვალეობის შემსრულებელი                                  რ. ხარბედია

« უკან დაბრუნება