სსიპ – ივანე ჯავახიშვილის სახელობის თბილისის სახელმწიფო უნივერსიტეტის 2014-2015 სასწავლო წლის შემოდგომის სემესტრში პროფესიული საგანმანათლებლო პროგრამების შემდგომ საფეხურზე ტესტირების ვადების განსაზღვრის თაობაზე

    ,,უმაღლესი განათლების შესახებ“ საქართველოს კანონის 22-ე მუხლის პირველი პუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი და მეორე ნაწილების, 53-ე მუხლის პირველი, მეორე და მესამე ნაწილების, 54-ე მუხლის პირველი ნაწილის, 57-ე მუხლის,  58-ე მუხლის პირველი ნაწილის, 59-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის #135/ნ ბრძანებით დამტკიცებული საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის "ა", "ბ" "ო" და "პ" ქვეპუნქტებისა და მე-9 პუნქტისა და საქართველოს განათლებისა და მეცნიერების მინისტრის 2013 წლის 27 სექტემბრის #152/ნ ბრძანებით დამტკიცებული "პროფესიული ტესტირების ჩატარების დებულების" მე-16 მუხლის მე-3 პუნქტის საფუძველზე,

ვბრძანებ:

1. განისაზღვროს 2014-2015 სასწავლო წლის შემოდგომის სემესტრში სსიპ – ივანე ჯავახიშვილის სახელობის თბილისის სახელმწიფო უნივერსიტეტის პროფესიული საგანმანათლებლო პროგრამების შემდგომ საფეხურზე ტესტირების  ვადები:

a) ტესტირების ჩატარება – 6 ოქტომბერი (13:00 სთ);

b) ტესტირების შედეგების გამოცხადება – 6 ოქტომბერი (16:00 სთ)

g) ტესტირების შედეგების გასაჩივრება – 7 ოქტომბერი (09:00 – 13:00 სთ);

დ) საბოლოო შედეგების გამოცხადება – 7 ოქტომბერი (15:00 სთ)

2. ტესტირება ჩატარდეს თსუ ბიბლიოთეკის შენობაში მისამართზე: თბილისი, უნივერსიტეტის ქ. #11

3. ბრძანების უნივერსიტეტის ოფიციალურ ვებგვერდზე განთავსება დაევალოს უნივერსიტეტის საინფორმაციო ტექნოლოგიების დეპარტამენტს;

4. დაევალოს კანცელარიას ბრძანება განათავსოს ყველასათვის ხელმისაწვდომ ადგილზე და გადასცეს შესაბამის სტრუქტურულ ერთეულებს;

5. ბრძანება ძალაშია დაინტერესებული მხარისათვის მისი გაცნობისთანავე.

რექტორი, პროფესორი                           აკადემიკოსი ვლადიმერ პაპავა