წიგნის - „პირადი და ოჯახური ცხოვრების პატივისცემის უფლება და სახელმწიფოს ვალდებულებები“ პრეზენტაცია

   3 ნოემბერს , 17:00 საათზე   ივანე ჯავახიშვილის სახელობის თბილისის სახელმწიფო უნივერსიტეტში წიგნის „ პირადი და ოჯახური ცხოვრების პატივისცემის უფლება და სახელმწიფოს ვალდებულებები “ პრეზენტაცია გაიმართება .

წიგნი გამოიცა თბილისის სახელმწიფო უნივერსიტეტის იურიდიული ფაკულტეტის საერთაშორის სამართლის ინსტიტუტის მიერ . წიგნის ავტორია თსუ - ი ს პროფესორი კონსტანტინე კორკელია და სამართლის ექსპერტი , ბესარიონ ბოხაშვილი .

ღონისძიებას საქართველოს საკონსტიტუციო და უზენაესი სასამართლოს მოსამართლეები , პარლამენტის წევრები , სამინისტროების წარმომადგენლები , ადამიანის უფლებათა დამცველი არასამთავრობო ორგანიზაციებისა და აკადემიური წრეების წარმომადგენლები დაესწრებიან .

წიგნში განხილულია პირად და ოჯახურ ცხოვრებასთან დაკავშირებული ევროპული სტანდარტები , დეტალურად მიმოხილულია სახელმწიფოს ვალდებულებები ამ უფლებებთან დაკავშირებით და გამოთქმულია მოსაზრებები როგორ შეიძლება დაიხვეწოს   საქართველოს კანონმდებლობა და   სასამართლო   პრაქტიკა .

წიგნის გამოცემა დაფინანსებულია გერმანული ორგანიზაცია IRZ- ისა და საქართველოში   გაეროს ადამიანის უფლებათა კომისრის ოფისის მიერ .

მისამართი : ი . ჭავჭავაძის გამზ . 1, თსუ I კორპუსი , 115 -ე აუდიტორია