ბაკალავრიატის სტუდენტთა საყურადღებოდ

2013-2014  სასწავლო წლის გაზაფხულის  სემესტრის ლექციათა განრიგი  ფაკულტეტის ოფიციალურ ვებ. გვერდზე განთავსდა მიმდინარე წლის 18 თებერვალს, 15 საათზე 

http://www.tsu.edu.ge/ge/faculties/law/zzifj9opi9mhj0b1z/harhmepgdb4qqoqdu//

აკადემიური რეგისტრაცია იურიდიულ ფაკულტეტზე დაიწყება 26 თებერვალს 17 საათზე.  გთხოვთ გაითვალისწინოთ, რომ აკადემიური რეგისტრაცია  არის პროცესი და თუ თქვენ ვერ დარეგისტრირდით პირველივე დღეს სასურველ დისციპლინაზე, არ ნიშნავს, რომ ამის შესაძლებლობა არ მოგეცემათ მოგვიანებით. ფაკულტეტის ადმინისტრაცია შესაძლებლობის ფარგლებში გაითვალისწინებს sms.tsu.ge-დან გამოგზავნილ თქვენს მოთხოვნებს (მოთხოვნის გამოგზავნის წესი იხ. ქვემოთ) და ობიექტური შესაძლებლობის ფარგლებში დაამატებს ადგილებს (შესაძლებლობის შემთხვევაში ნაკადებს) სასურველ დისციპლინაზე.

სავალდებულო და არჩევითი საგნები გააქტიურდება და შემდგომ სასწავლო საგნებზე ადგილების დამატება განხორციელდება შემდეგი განრიგით:

ბაზა გაიხსნება და საგნები გააქტიურდება ანბანური თანმიმდევრობით:
26 თებერვალი  - 17:00 საათიდან  - 18:00  საათამდე.
ადგილები დაემატება  ასევე ანბანური თანმიმდევრობით
26 თებერვალი   -  19:00 -  19:40 საათამდე.
27 თებერვალს   -  12:00  -  12:30 საათამდე;
                            17:00 – 17:30 საათამდე.
28  თებერვალს  -  15:00  -  15:30 საათამდე;                   
იურიდიულ ფაკულტეტზე შიდა მობილობით გადმოსულ სტუდენტთათვის აკადემიური რეგისტრაციები და საგნებზე ადგილების დამატება განხორციელდება მათი ჩარიცხვის შესახებ რექტორის ბრძანების გამოცემის შემდეგ, რის შესახებაც ინფორმაცია დაიდება ფაკულტეტის ვებ. გვერდზე..       
გახსოვდეთ, რომ სასწავლო დისციპლინაზე რეგისტრაცია ბოლონიელ გლოსატორთა პრინციპით  ხორციელდება „primo in tempore, potior in iure“ (დროში პირველი, უფლებაში უპირატესი) :).  სავალდებულო საგნებზე ადგილები დაემატება მოთხოვნის შესაბამისად. არც ერთი სტუდენტი არ დარჩება სავალდებულო საგანზე რეგისტრაციის გარეშე.

თუკი ვერ დარეგისტრირდით რომელიმე სავალდებულო ან არჩევით დისციპლინაზე, გთხოვთ, მოგვწეროთ sms.tsu.ge-დან. ამისათვის გრაფაში ,,წერილის სახე“ მიუთითეთ ,,აკადემიურ რეგისტრაციებთან დაკავშირებული პრობლემები“ და გრაფაში ,,აირჩიეთ საგანი“ მიუთითეთ სასურველი დისციპლინა. აუცილებელია, რომ შეტყობინებაში სასურველი დისციპლინა მითითებული იყოს არა ტექსტური სახით, არამედ  მონიშნული იყოს გრაფაში ,,აირჩიეთ საგანი“, რადგან მონაცემთა დამუშავება ხდება ავტომატურად და ტექსტური ფორმით მოწერილი დისციპლინის გათვალისწინება ვერ მოხდება. ფაკულტეტის ადმინისტრაცია აკადემიურ რეგისტრაციებს შორის დროის მონაკვეთში დაამუშავებს აღნიშნულ მონაცემებს და შესაძლებლობის ფარგლებში  გაითვალისწინებს სტუდენტთა მოთხოვნას. არაერთ არჩევით დისციპლინაზე სტუდენტთა  მოთხოვნის არსებობის შემთხვევაში  შესაძლებელი იქნება ახალი ნაკადის დამატება.

ამასთან ერთად გაცნობებთ, რომ სტუდენტებისათვის აკადემიური რეგისტრაციების პროცესში დახმარების გაწევის მიზნით 26 თებერვლის 16:00 საათიდან, ასევე 27 თებერვლის 12:00  დან 18:00 საათამდე და 28 თებერვლის 15:00 საათიდან  იურიდიულ ფაკულტეტზე (რესურსცენტრსა და იურიდიული ფაკულტეტის ბიბლიოთეკაში) იმუშავებს სტუდენტებისაგან შემდგარი მობილური ჯგუფი, რომელიც კონსულტაციებს გაგიწევთ ამ პროცესის წარმართვაში და საჭიროების შემთხვევაში დაგეხმარებათ საგნის არჩევაში.

ინფორმაციის გაცვლის მიზნით ასევე შეგიძლიათ მიმართოთ Facebook–ის ჯგუფს: „იურიდიული ფაკულტეტი - გაზაფხულის სემესტრის აკადემიური რეგისტრაცია“ – https://www.facebook.com/groups/248020455369287/

გისურვებთ  სასურველი  ინდივიდუალური  ცხრილის   შედგენას!