ელდარ შენგელაიას საღამო თსუ-ში

2017 წლის 15 მარტს, 18:00 საათზე, ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის ტელე-კინო ხელოვნების კათედრის ორგანიზებით გაიმართება შეხვედრა კინორეჟისორ ელდარ შენგელაიასთან. შეხვედრას გაუძღვება კათედრის ხელმძღვანელი, კინორეჟისორი მერაბ კოკოჩაშვილი. თსუ რექტორი, ბატონი გიორგი შარვაშიძე სტუმარს გადასცემს საგანგებო ჯილდოს. მოწვეულ სტუმრებს შორის იქნებიან ცნობილი საზოგადო მოღვაწეები, კინორეჟისორის მეგობრები და მისი ფილმების მსახიობები. შეხვედრაზე ნაჩვენები იქნება კადრები ელდარ შენგელაიას ფილმებიდან, ახალი ფილმის, „სავარძელის“ ტრეილერი. შეხვედრის ძირითადი ნაწილი დაეთმობა რეჟისორის დიალოგს სტუდენტებთან.

მისამართი: ი. ჭავჭავაძის გამზ N1, თსუ I  კორპუსი, სააქტო დარბაზი.