იურიდიული ფაკულტეტის სტუდენტებს! განმარტებები აკადემიური რეგისტრაციების პროცესთან დაკავშირებით

ბაკალავრიატის სტუდენტთა საყურადღებოდ!

გაზაფხულის სემესტრის ცხრილი საიტზე დაიდება 23 თებერვალს 17:00 საათზე.

აკადემიური   რეგისტრაცია იურიდიულ ფაკულტეტზე დაიწყება   27 თებერვალს 17:00   საათზე. ყველა საგანი   გაიხსნება ერთდროულად .  

სავალდებულო და არჩევით საგნებზე ადგილების დამატება განხორციელდება ანბანური  თანმიმდევრობით შემდეგი განრიგით   :  

27 თებერვალს   - 18:00  საათიდან   - 1 9:00 საათამდე ;
28 თებერვალს   - 15:00  საათიდან   15:30  საათამდე ;
28 თებერვალს   - 18:00  საათიდან   18:30  საათამდე ;
1 მარტს   - 18:00  საათიდან   18:30  საათამდე .

სხვა ფაკულტეტის სტუდენტებს იურიდიული ფაკულტეტის საგნები გაეხსნებათ 28 თებერვალს 18:00 საათზე.

გახსოვდეთ ,   რომ სასწავლო დისციპლინაზე რეგისტრაცია ბოლონიელ გლოსატორთა პრინციპით ხორციელდება  „   primo in tempore, potior in iure“   ( დროში პირველი ,  უფლებაში უპირატესი ).      სავალდებულო საგნებზე ადგილები დაემატება მოთხოვნის შესაბამისად .  არც ერთი სტუდენტი არ დარჩება სავალდებულო საგანზე რეგისტრაციის გარეშე .  

თუკი ვერ დარეგისტრირდით რომელიმე სავალდებულო ან არჩევით დისციპლინაზე ,       გთხოვთ ,  მოგვწეროთ   sms.tsu.ge-   დან .  ამისათვის გრაფაში ,, წერილის სახე “   მიუთითეთ   ,,   აკადემიურ რეგისტრაციებთან დაკავშირებული პრობლემები “   და გრაფაში ,,   აირჩიეთ საგანი   “ მიუთითეთ სასურველი დისციპლინა .  აუცილებელია ,  რომ შეტყობინებაში სასურველი დისციპლინა მითითებული იყოს არა ტექსტური   სახით ,  არამედ მონიშნული იყოს გრაფაში   ,, აირჩიეთ საგანი “,  რადგან მონაცემთა დამუშავება ხდება ავტომატურად და ტექსტური ფორმით მოწერილი დისციპლინის გათვალისწინება ვერ მოხდება . ფაკულტეტის ადმინისტრაცია აკადემიურ რეგისტრაციებს შორის დროის მონაკვეთში დაამუშავებს აღნიშნულ მონაცემებს და შესაძლებლობის ფარგლებში გაითვალისწინებს სტუდენტთა მოთხოვნას .  

ამასთან ერთად, გთხოვთ , გადაამოწმოთ ბაზაში თქვენი საკონტაქტო ინფორმაციის ( ტელეფონის ნომრის ) სისწორე , რათა შეძლოთ იურიდიული ფაკულტეტისგან მოწოდებული ინფომაციის დროული მიღება .

სტუდენტებს , რომელთაც სურთ ხელმეორედ დარეგისტრირდნენ დისციპლინაზე ქულის გაუმჯობესების მიზნით , შეუძლიათ მოგვმართონ ამის თაობაზე sms.tsu.ge- დან მიმდინარე წლის 1-4 მარტის ჩათვლით . გთხოვთ , თქვენს ინდივიდუალურ ცხრილში დატოვოთ შესაბამისი ადგილი და განცხადებაში მიუთითოთ სასურველი პროფესორი . თქვენი განცხადებები დამუშავდება და დისციპლინა ინდივიდუალურ ცხრილში აისახება არაუგვიანეს 7 მარტისა.

დამატებით სემესტრთან დაკავშირებით შეგიძლიათ მოგვმართოთ sms.tsu.ge- დან მიმდინარე წლის 5 მარტამდე.

მობილობით გადმოსულ სტუდენტთა საყურადღებოდ!

საორიენტაციო შეხვედრა მობილობით გადმოსულ სტუდენტებთან შედგება 26 თებერვალს 12:00 საათზე 212- ე აუდიტორიაში (ფიზიკის დიდი აუდიტორია).

მაგისტრატურის სტუდენტთა საყურადღებოდ !

მაგისტრატურის ცხრილი იურიდიული ფაკულტეტის ვებ. გვერდზე განთავსდება 26 თებერვალს 17:00 საათზე. აკადემიური რეგისტრაცია დაიწყება 1 მარტს 17:00 საათზე.

კლინიკების შესახებ ინფორმაცია ს მოგაწვდით მოგვიანებით .

  გისურვებთ   სასურველი   ინდივიდუალური   ცხრილის   შედგენას !