ჟურნალ „თსუ სამართლის მიმოხილვის“ დაფუძნების ცერემონია

ა/წ 18 აპრილს , 18:00 საათზე, ივანე ჯავახიშვილის სახელობის თბილისის სახელმწიფო უნივერსიტეტში, ივ. ჯავახიშვილის 140 წლისთავისადმი მიძღვნილი ღონისძიებების ფარგლებში, გაიმართება იურიდიული ფაკულტეტის ახალი სტუდენტური ჟურნალის - „თსუ სამართლის მიმოხილვის“ დაფუძნების ცერემონია. პროექტის მხარდამჭერია იურიდიული ფირმა „ მგალობლიშვილი , ყიფიანი , ძიძიგური “ ( MKD ).

ჟურნალის მომზადებაში აქტიურ მონაწილეობას მიიღებენ სტუდენტები, მათ შორის, იურიდიული ფაკულტეტის თანამედროვე კერძო სამართლის ინსტიტუტის კერძო სამართლის კვლევის სტუდენტური ჯგუფი და თინათინ წერეთლის სახელობის სტუდენტთა სამეცნიერო წრე.

შეხვედრას თსუ იურიდიული ფაკულტეტის ადმინისტრაციისა და ი ურიდიული ფირმა „ მგალობლიშვილი , ყიფიანი , ძიძიგური ს “ წარმომადგენლები, პროფესორ-მასწავლებლები და სტუდენტები დაესწრებიან.

მის.: თსუ პირველი აკადემიურ ი კორპუსი , ივანე ჯავახიშვილის სახელობის აუდიტორია (№107).