ოსლოს საუნივერსიტეტო კოლეჯის სტიპენდიები

თსუ-ს საგარეო ურთიერთობათა დეპარტამენტი აცხადებს კონკურსს ჰუმანიტარულ მეცნიერებათა ფაკულტეტის კულტურის კვლევების მიმართულების ბაკალავრიატის მეორე და მესამე კურსის სტუდენტებისთვის ოსლოს საუნივერსიტეტო კოლეჯში (ნორვეგია) 2013-2014 სასწავლო წლის გაზაფხულის სემესტრში (2014 წლის იანვარი-მაისი) 4 თვიანი სასწავლო სტიპენდიების მოსაპოვებლად

ინგლისურენოვანი სასწავლო პროგრამის დასახელება: „მრავალკულტურული იდენტობა მსოფლიოში“ (30 ECTS).
შესარჩევ კონკურსში მონაწილეობის მსურველებმა თსუ-ს საგარეო ურთიერთობათა დეპარტამენტში უნდა წარმოადგინონ შემდეგი საბუთები:

• CV (ინგლისურ ენაზე)
• ნიშნების ამონაწერი  (GPA-ის მითითებით)
• მოტივაციის წერილი (ინგლისურ ენაზე)
• ცნობა სტუდენტის სტატუსის შესახებ
• პასპორტის ან პირადობის მოწმობის ასლი
• რეკომენდაციის წერილი ჰუმანიტარულ მეცნიერებათა ფაკულტეტიდან (ქართულ ენაზე, შესაბამისი ფაკულტეტის ბეჭდით დამოწმებული)
• ინგლისური ენის ცოდნის დამადასტურებელი სერთიფიკატი (წარმოადგინეთ არსებობის შემთხვევაში)
• 2 ფოტო (3/4)

შესარჩევი კონკურსის პირობები: საერთაშორისო სერთიფიკატის არქონის შემთხვევაში აპლიკანტებს ჩაუტარდებათ ინგლისური ენის ტესტირება (B2 დონე).

ოსლოს საუნივერსიტეტო კოლეჯი გამარჯვებულ სტუდენტებს ათავისუფლებს სწავლის გადასახადისგან და უზრუნველყოფს ყოველთვიური სტიპენდიითა და მგზავრობის ხარჯების ანაზღაურებით.