ზაარლანდის (გერმანია) უნივერსიტეტის სტიპენდიები დოქტორანტურის სტუდენტებისათვის

ცხადდება კონკურსი თსუ-ს დოქტორანტურის სტუდენტებისათვის 2017 წლის შემოდგომის სემესტრში ზაარლანდის უნივერსიტეტში კვლევითი სტიპენდიების მოსაპოვებლად. კონკურსში მონაწილეობის მიღება შეუძლიათ თსუ-ს ყველა ფაკულტეტის დოქტორანტებს, რომლებიც სრულყოფილად ფლობენ გერმანულ ენას (გერმანული ენის არცოდნის შემთხვევაში, გამონაკლისის სახით, კონკურსზე დაიშვებიან მხოლოდ ზუსტ და საბუნებისმეტყველო მეცნიერებათა ფაკულტეტის ინგლისურენოვანი დოქტორანტები).

სტიპენდიის ხანგრძლივობა: ორი კვირა (მობილობა უნდა განხორციელდეს ა/წ. 31 დეკემბრამდე)

შერჩეულმა სტიპენდიანტებმა თავად უნდა აანაზღაურონ საერთაშორისო მგზავრობის ხარჯები!!!

სტიპენდიატთა შესარჩევი პროცესი:

    დოკუმენტაციის შემოწმება (თსუ)
    გასაუბრება შესარჩევ კომისიასთან (თსუ)

დაინტერესებულმა პირებმა ა/წ 10 ოქტომბრის 23:59 საათამდე უნდა გამოაგზავნონ სააპლიკაციო დოკუმენტაციის სრული ჩამონათვალი (PDF ფორმატში) შემდეგ ელ-ფოსტაზე: dfronline_de@tsu.ge

სააპლიკაციო დოკუმენტაციის ჩამონათვალი:

•     პასპორტის ასლი;
•     დოქტორანტურაში სწავლის დამადასტურებელი ცნობა (ქართულ ენაზე);
•     ნიშნების ამონაწერი (GPA-ის მითითებით);
•     CV-ს ევროპული ფორმატი (ინგლისურ/გერმანულ ენაზე);
•     მოტივაციის წერილი (ინგლისურ/გერმანულ ენაზე, არაუმეტეს ერთი გვერდისა,
•     ფონტი - Times New Roman, დაშორება - 1,5; ველი - 2);
•     ერთი სარეკომენდაციო წერილი (ინგლისურ/გერმანულ ენაზე, ხელმოწერითა და
•     ბეჭდით დამოწმებული);
•     სამეცნიერო ხელმძღვანელის თანხმობა.

შენიშვნა:
დაგვიანებული განცხადებები არ მიიღება!
დამატებითი კითხვების არსებობის შემთხვევაში, დაგვიკავშირდით შემდეგი ელ-ფოსტის საშუალებით: dfronline_de@tsu.ge