ცვლილებები შეტანილია აკადემიური საბჭოს
12.01.2011, №6/2011 დადგენილებით

ივანე ჯავახიშვილის სახელობის თბილისის სახელმწიფო უნივერსიტეტში უცხოური ენების სწავლების დარეგულირების შესახებ 2009–2010 სასწავლო წელს ჩარიცხული ბაკალავრებისა და მაგისტრანტებისათვის

I. ივანე ჯავახიშვილის სახელობის თბილისის სახელმწიფო უნივერსიტეტში უცხოური ენების სწავლების დარეგულირების მიზნით გატარდეს შემდეგი ღონისძიებები:

1. ივანე ჯავახიშვილის სახელობის თბილისის სახელმწიფო უნივერსიტეტში 2009–2010 სასწავლო წლიდან ჩარიცხული ბაკალავრებისათვის  უცხოური ენების სწავლების მინიმალური მოცულობა განისაზღვროს 10 ECTS კრედიტით (ორსემესტრიანი კურსით).
2. 2009–2010 სასწავლო წლიდან ჩარიცხული ბაკალავრებისათვის ბაკალავრის აკადემიური ხარისხის მინიჭების წინაპირობად განისაზღვროს კურიკულუმით განსაზღვრული, არანაკლებ 240 ECTS კრედიტის დაგროვება და უცხოურ ენაში სასერტიფიკაციო გამოცდის წარმატებით  ჩაბარება, კერძოდ, უცხოური ენის არანაკლებ B1 დონეზე ცოდნის დადასტურება და შესაბამისი სერტიფიკატის მოპოვება. 
3. 2009-2010 სასწავლო წლიდან ჩარიცხული მაგისტრანტებისათვის მაგისტრის აკადემიური ხარისხის მინიჭების წინაპირობად განისაზღვროს კურიკულუმით განსაზღვრული, არანაკლებ 120 ECTS კრედიტის დაგროვება. (12.01.2011, №6/2011)
4. 31. 2009-2010 წლებში ჩარიცხული იმ მაგისტრანტებისათვის, რომელთა სამაგისტრო პროგრამა არ ითვალისწინებს უცხოური ენის არანაკლებ B2 დონეზე სწავლებას, უცხოური ენის B2 დონეზე ცოდნის დამადასტურებელი სასერტიფიკაციო გამოცდის მიზანშეწონილება განისაზღვროს ინდივიდუალურად, სტუდენტისა და პროგრამის ხელმძღვანელის ურთიერთშეთანხმების საფუძველზე. (12.01.2011, №6/2011)
5. თსუ ჰუმანიტარულ მეცნიერებათა ფაკულტეტის უცხოური ენების ცენტრმა 2009 წლის 1 ოქტომბრამდე მოახდინოს უცხოური ენების სასწავლო პროგრამების, მეთოდებისა და გამოყენებული სახელმძღვანელოების მოდერნიზაცია, „ენა სპეციალური მიზნებისათვის“ სასწავლო კურსების მომზადება, უცხოური ენების სწავლების ხარისხის ამაღლების მიზნით.
6. უნივერსიტეტის ადმინისტრაციამ 2009 წლის 1 ოქტომბრამდე უზრუნველყოს უცხოური ენების სწავლების მატერიალურ–ტექნიკური ბაზის გაუმჯობესება.      
7. ამოღებულია (12.01.2011, №6/2011)
8. სამაგისტრო პროგრამის სასწავლო კომპონენტით განსაზღვრული კრედიტების დაგროვების შემდეგ, მაგისტრანტებს ჩაუტარდეთ სასერტიფიკაციო გამოცდა უცხო ენაში. 
9. უცხოურ ენებში სასერტიფიკაციო გამოცდის ორგანიზება დაევალოს თსუ საგამოცდო ცენტრს თსუ ჰუმანიტარულ მეცნიერებათა ფაკულტეტის უცხოური ენების ცენტრთან თანამშრომლობით.
10. ამოღებულია (12.01.2011, №6/2011).
11. მაგისტრანტებს, რომლებიც სასერტიფიკაციო გამოცდაზე ვერ დაადასტურებენ უცხოური ენის არანაკლებ B2 დონეზე ცოდნას,  შესაბამისი სერტიფიკატის მოპოვების უფლება მიეცეთ სამაგისტრო ნაშრომის დაცვამდე და უნივერსიტეტში სწავლის დასრულებამდე. 
12. ბაკალავრიატის სტუდენტები გათავისუფლდნენ უცხოურ ენაში სასერტიფიკაციო გამოცდისგან უცხოური ენის შესაბამის დონეზე ცოდნის დამადასტურებელი, საერთაშორისო აღიარების მქონე სერტიფიკატის წარმოდგენის შემთხვევაში. უცხოური ენების ცოდნის დამადასტურებელი საერთაშორისო სერტიფიკატების აღიარების წესი დარეგულირდეს თსუ აკადემიური საბჭოს სპეციალური დადგენილებით. (12.01.2011, №6/2011)
13. ამოღებულია (12.01.2011, №6/2011).
14. მაგისტრანტები განთავისუფლდნენ უცხოურ ენაში სასერტიფიკაციო გამოცდისგან, თუ უცხოური ენის არანაკლებ B2 დონეზე ცოდნა უკვე დადასტურებული აქვთ მაგისტრატურაში მისაღებ უცხოური ენის გამოცდაზე.
15. უნივერსიტეტში უცხოელი სტუდენტების მოზიდვის და უცხოური ენების სწავლების ხარისხის გაუმჯობესების მიზნით, თსუ აკადემიურ პერსონალს მიეცეს რეკომენდაცია ცალკეული სასწავლო კურსის უცხოურ ენებზე მომზადებისა და წარმართვის თაობაზე. 

III. დადგენილება გამოქვეყნდეს საჯაროდ.

პროფესორი გიორგი ხუბუა
აკადემიური საბჭოს თავმჯდომარე ,
რექტორი