სტუდენტური პროექტების დაფინანსების კონკურსის შედეგები

ივანე ჯავახიშვილის სახელობის თბილისის სახელმწიფო უნივერსიტეტის სტუდენტური პროექტების დასაფინანსებელი კონკურსის პირველი ეტაპის შედეგები გახდა ცნობილი. სტუდენტური პროექტების დაფინანსების განმსაზღვრელმა საბჭომ სულ შემოსული 63 საპროექტო წინადადება განიხილა. მათ შორის, 18 სამეცნიერო პროექტი იყო, ხოლო 45 - საგანმანათლებლო/კულტურული/სპორტული პროექტი.

საბჭოს გადაწყვეტილებით, წარმოდგენილი სამეცნიერო პროექტებიდან დაფინანსდა 15 პროექტი, ხოლო საგანმანათლებლო, კულტურული და სპორტული პროექტებიდან-34.

იმ პროექტთა ავტორებს, რომელთაც ვერ მიიღეს დაფინანსება, მიეცათ რეკომენდაციები და შესაძლებლობა, რომ პროექტები წარმოადგინონ შემდგომ ეტაპზე.

სამეცნიერო პროექტების მიღება უწყვეტ რეჟიმში გრძელდება. ხოლო საგანმანათლებლო/კულტურული/სპორტული პროექტების მიღების მეორე ეტაპი უკვე დაიწყო და 30 აპრილამდე გასტანს.