თსუ რექტორისა და პარიზის აღმოსავლურ ენათა და კულტურათა ეროვნული ინსტიტუტის პრეზიდენტის შეხვედრა

ივანე ჯავახიშვილის სახელობის თბილისის სახელმწიფო უნივერსიტეტის რექტორმა გიორგი შარვაშიძემ საფრანგეთში ვიზიტის ფარგლებში, პარიზის აღმოსავლურ ენათა და კულტურათა ეროვნული ინსტიტუტის (ინალკოს) პრეზიდენტთან, პროფესორ მანუელა ფრანკთან შეხვედრა გამართა.

მხარეებმა მომავალი თანამშრომლობის გეგმებზე  ისაუბრეს. მიღწეულია შეთანხმება თბილისის სახელმწიფო უნივერსიტეტსა და პარიზის აღმოსავლურ ენათა და კულტურათა ეროვნულ ინსტიტუტს  შორის ქართველოლოგიური კვლევების განვითარების ხელშეწყობის შესახებ. თანამშრომლობის მემორანდუმი მხარეებს შორის შემოდგომაზე გაფორმდება. თსუ რექტორმა ფრანგული დელეგაცია მეცნიერებისა და ინოვაციების ფესტივალზე მოიწვია.