იურიდიული ფირმა „მგალობლიშვილი ყიფიანი ძიძიგური“-ს სტიპენდია

იურიდიული ფირმა „ მგალობლიშვილი ყიფიანი ძიძიგური “ აცხადებს რიგით მეხუთე კონკურსს თბილისის სახელმწიფო უნივერსიტეტის იურიდიული ფაკულტეტის სტუდენტებისათვის სტიპენდიის მოსაპოვებლად.   კონკურსში მონაწილეობის მიღება შეუძლიათ ბაკალავრიატის მე-5 და შემდგომი სემესტრების სტუდენტებს, გარდა დამამთავრებელი სემესტრის სტუდენტებისა.

კონკურსში მონაწილეობის მისაღებად სტუდენტმა მიმდინარე წლის 16 თებერვლამდე უნდა წარმოადგინოს შემდეგი დოკუმენტაცია: ელექტრონულად შევსებული CV თანდართული სამოტივაციო წერილით, ნიშნების ფურცლის ამონაწერი და პირადობის მოწმობის ასლი შემდეგ ელექტრონულ მისამართზე: law@tsu.ge

თემის ველში უნდა მიუთითოთ: MKD სტიპენდია 2018

აკადემიური მოსწრებისა და სხვა აქტივობების (კონფერენციები, პროექტები, სტატიები) შეფასების შედეგად აირჩევა ერთ სტუდენტი, რომელსაც ერთი სასწავლო წლის ვადით დაენიშნება ფირმის სახელობითი სტიპენდია.

გისურვებთ წარმატებას!